Дыялогавая пляцоўка “У вас мы вучымся цяплу і мудрасці душы”
📚Дзявятага кастрычніка ў Цэнтральнай раённай бібліятэцы г. Светлагорска прайшла дыялогавая пляцоўка “У вас мы вучымся цяплу і мудрасці душы”, дзе адбылася прэзентацыя кнігі “Светлыя далі роднага краю: народная духоўная культура Светлагорскага раёна”.
🤝Па запрашэнні дырэктара бібліятэкі В. С. Бусел удзел у названым мерапрыемстве прынялі доктар філалагічных навук, прафесар В. С. Новак і выкладчык гімназіі № 56 г. Гомеля А. Д. Дакукін.
🕊Зборнік “Светлыя далі роднага краю” з’яўляецца чарговым выданнем серыі “Мая малая Радзіма” і адлюстроўвае інфармацыю пра мясцовую гісторыка-культурную спадчыну.
✍️ Зборам і сістэматызацыяй дадзеных займаўся калектыў выкладчыкаў філалагічнага факультэта, супрацоўнікі ДУК “Светлагорская раённая сетка бібліятэк”, устаноў культуры Светлагоршчыны, газет “Светлагорскія навіны” і “Гомельская праўда” і інш.
☀️Багата ілюстраванае і змястоўнае выданне можна назваць сапраўдным падарункам для жыхароў горада і раёна.
