1 октябрҙә Республика йортонда Рәсәй Президентының Волга буйы федераль округындағы тулы хоҡуҡлы вәкиле Игорь Комаровтың Башҡортостан Башлығы Радий Хәбиров менән эшлекле осрашыуы үтте. Сарала шулай уҡ төбәк буйынса яңы баш федераль инспектор Александр Окатьев ҡатнашты. Игорь Комаров Хөкүмәт йортонда тәҡдим иткән яңы федераль инспектор өсөн төп бурыстарҙы билдәләне. – Башҡортостан – округтың һәм илдең алдынғы төбәктәренең береһе. Баш федераль инспектор алдында милли проекттарҙы тормошҡа ашырыу, оборона-сәнәғәт комплексына булышлыҡ итеү, шулай уҡ махсус хәрби оперцияла ҡатнашыусыларҙың ғаиләләренә ярҙам итеү бурыстары тора, - тине Президенттың тулы хоҡуҡлы вәкиле. Радий Хәбиров, санкция баҫымына ҡарамаҫтан, төбәктең тотороҡло үҫешен дауам итеүен билдәләне. – Сәнәғәт производствоһы күләменең артыуын көтәбеҙ. Ауыл хужалығы етештереүе үҫә, инвестициялар йәлеп ителә, – тип билдәләне республика етәксеһе. – Бөгөн беҙҙең өсөн иң мөһиме – социаль йөкләмәләрҙе үтәү һәм яңы һаулыҡ һаҡлау һәм мәғари