Был эш "Тормош өсөн инфраструктура" милли проекты (национальный проект «Инфраструктура для жизни») ярҙамында тормошҡа ашырыла. Ляхов менән Орловка араһындағы юл хәҙер норматив хәлгә килтерелгән. Подряд ойошмаһы асфальт һалған, юл ситтәрен нығытып, билдәләр һыҙыу эшен башҡарған. —Орловка - Ляхов - Первомайский - Ибраһим юлы Ҡырмыҫҡалы һәм Шишмә райондарының бер нисә ауылы, дөйөм алғанда, 1200 кеше өсөн транспорт бәйләнешен тәьмин итә. Шуға уны төҙөкләндереү бик мөһим, - ти Башҡортостандың транспорт һәм юл хужалығы министры Любовь Минакова. Иҫегеҙгә төшөрәбеҙ, милли проекттар РФ Президенты Владимир Путиндың ҡарары менән тормошҡа ашырыла. Фото - ГТРК.