Корумду – Балбай-Баатыр жолунда жол курулушу активдүү жүрүп жатат. 70 км асфальт төшөлүп, 14 көпүрө реконструкцияланууда. Жаңы төрт тилкелүү жол жарык, жашылдандыруу жана эс алуу зоналары менен камсыздалат.
🚧 Корумду – Балбай-Баатыр жолунун курулуш иштери кызуу жүрүп жатат.
🛤️ Жолдун негизин даярдоо, асфальтобетон төшөө, суу түтүктөрүн орнотуу жана көпүрөлөрдү куруу иштери жүргүзүлүүдө.
🏗️ Бир тарапка 70 чакырым асфальтобетондун төмөнкү катмары төшөлдү, 14 көпүрөнү реконструкциялоо жана эки жер астындагы жөө жүргүнчүлөр өтмөгүн куруу иштери улантылууда.
🚰 179 жер астындагы суу түтүгүн орнотуу аяктады.
🚦 Жаңы жол төрт тилкелүү болуп, борборунда металл тосмолор менен бөлүнөт. Долбоордун алкагында жарыктандыруу, жашылдандыруу, калктуу конуштарда автобус токтоочу жайларды жана эс алуу зоналары бар унаа токтотуучу жайларды куруу каралган.