Ош облусунда Алымбек датканын 225 жылдыгы улуттук деңгээлде белгилене баштады. Кашка-Суу айыл аймагында туристтик фестиваль, улуттук көргөзмөлөр жана театрлаштырылган көрсөтүүлөр уюштурулду.
🎉 Ош облусунда Алымбек датканын 225 жылдык мааракеси улуттук деңгээлде белгилене баштады.
🏔️ Маараке 26-июлда Чоң-Алай районунун Кашка-Суу айыл аймагындагы Ленин чокусу жанындагы альпинисттик лагерде туристтик фестивалдын ачылышы менен башталды.
🎨 Улуттук боз үйлөр тигилип, элдик кол өнөрчүлүк жана сүрөт көргөзмөлөрү уюштурулду. Алымбек датканын эмгегин чагылдырган театрдык коюулар жана концерттик программа көрсөтүлдү.
👥 Иш-чарага Ош облусундагы Кыргыз Республикасынын Президентинин ыйгарым укуктуу өкүлүнүн орун басары Илияз Ташбаев, Жогорку Кеңештин депутаттары, Алымбек датканын урпактары, жергиликтүү бийлик өкүлдөрү, кол өнөрчүлөр, альпинисттер, туристтер жана жергиликтүү тургундар катышты.
🗣️ Илияз Ташбаев өз сөзүндө Ош облусунун башчысы Эльчибек Жантаевдин жана өзүнүн атынан конокторду жана жергиликтүү тургундарды куттуктап, Алымбек датканын кыргыз элинин биримдигин бекемдөөгө жана кыргыз мамлекеттүүлүгүн түптөөгө кошкон зор салымын белгиледи.
🏛️ Алымбек датка Кокон хандыгында жогорку “датка” наамына ээ болуп, кыргыз мамлекеттүүлүгүн түптөөгө жана элдин биримдигин бекемдөөгө чоң салым кошкон таасирдүү саясий ишмерлердин бири болгон.
📅 Жыл бою Алай районунда жана Ош шаарында мааракеге арналган иш-чаралар улантылат.