Нефтекама үҙәк ҡала китапханаһын капиталь ремонттан һуң сентябрь айында асырға йыйыналар. Ремонт эштәре “Ғаилә” милли проектына ярашлы башҡарыла. Былтыр учреждение федераль һайлап алыу конкурсын уңышлы үтте. 2025 йылда ремонт эштәренә финанс средстволары менән тәьмин ителде. Үҙгәртеп ҡороу май айында башланды. Ошо ваҡыт эсендә бина ҡыйығын һәм тәҙрә блоктарын алмаштырҙылар, һыу менән тәьмин итеү, канализация һәм елләтеү системаларын яңырттылар, электр монтажлау эштәрен үткәрҙеләр. Әле бинаны ремонтлау эштәре дауам итә. Оҙаҡламай учреждениеға заманса ҡорамалдар һәм йыһаздар килтереләсәк. – Милли проектта ҡатнашыу учреждение үҫеше өсөн ҙур этәргес булды. Киләсәктә китапхана системаһын яңыртыуға йүнәлтелгән федераль һәм төбәк программаларында ҡатнашырға уйлайбыҙ. Маҡсатыбыҙ – ҡала китапханаһын ҡала халҡы өсөн яратҡан мәҙәниәт үҙәгенә әүерелдереү, – тине ҡаланың үҙәкләштерелгән китапхана системаһы директоры Александр Носков. Рәсәй Президенты Владимир Путин билдәләүенсә, илгә ҡағылған тәрән