🗣НЮТАГАЙМ ХАДАНУУД - БАРАНДАА ХҮЛЭГҮҮД Чимит-Рыгзен Намжилов Автор уншана Энээхэн хадаяа эндүүрһэн нюдөөрөө хараа гүб, Эльбээд абамаар яаһан жэгдэ монсогор бэ? Эмээл, тохом нюрган дээрээ гаргаагүй Эмниг болоод гэнтэ урдам инсагаалба... Шэхээ хумин, хамараа хүсэд татасагаажа, Шэлэ хүзүүгээ сортоотой дорюунаар үргэнхэй. Шэрүүн дэлһэнһээнь гараараа халта шангаажа, «Шурд» байса мордоод урагшаа гүйлгэһэйб... Нютагайм хаданууд, адуун һүрэгэй миралһандал, Нюргаа хотойлгон, аалихан яаралгүй бэлшэнэт. Нойрмогшье, һэргэгшье, ойрошье, холошье ябахадам Намаяа унуулаад, оодорхоёо байһан шэнгит. «Буряад ФМ» гэһэн радиосубагай ба «Соел» сайтын «МИНДАҺААР ДАМЖАҺАН ДУУНУУД – МЕЛОДИИ СТАРЫХ ПЛАСТИНОК» гэһэн түсэл. #soyol