Кадамжай районунда жаңы «Ууру-Сай» каналынын курулушу башталды. Бул долбоор 800 га айыл чарба жерлерин сугат суу менен камсыз кылат. Ошондой эле, 200 га жерге заманбап тамчылатып сугаруу системасы киргизилүүдө.
🌊 Кадамжай районунда жаңы “Ууру-Сай” каналынын курулушу башталды. Бул ирригациялык долбоор Кадамжай райондук суу чарба башкармалыгы тарабынан ишке ашырылууда.
🚜 Бүгүнкү күнгө карата 2500 метр узундуктагы участок казылып, түтүктөр орнотулуп жатат.
💧 Долбоор толук бүткөндөн кийин жаңы канал Гороту каналына кошулуп, сугат мүмкүнчүлүктөрүн кыйла кеңейтет.
🌾 Бул долбоор Сур, Моло, Чечме, Ормош, Тескей жана Бел Бирлик айыл өкмөтүнүн 800 гектардан ашык айыл чарба жерлерин туруктуу сугат суусу менен камсыз кылат.
🌱 Кадамжай районунда дагы бир маанилүү айыл чарба өнүктүрүү долбоору ишке ашырылууда. 200 гектар жерге заманбап тамчылатып сугаруу системасы орнотулууда.
🔍 Биринчи скважина 140 метр тереңдикте бургуланып, каптоо түтүктөрүн орнотуу иштери жүрүп жатат.
🌿 Бул чаралар фермерлерди таза суу менен камсыз кылууга жана түшүмдүүлүктү жогорулатууга багытталган. Ошондой эле, аймакта багбанчылыкты өнүктүрүү үчүн жаңы мүмкүнчүлүктөрдү ачат.