5 июлдә Стәрлетамаҡ ҡалаһында Мәҙәниәт һарайы алдындағы майҙанда тәүге тапҡыр “Хәләл-фест” фестивале уҙғарыла. Байрамдың маҡсаттарының береһе — хәләл продукцияһын етештереүсе урындағы етештереүселәргә ярҙам итеү, был “Һөҙөмтәле һәм конкурентлы иҡтисад” милли проекты (национальный проект “Эффективная и конкурентная экономика”) бурыстарына тап килә, тип хәбәр иттеләр ҡала хакимиәтендә. Сара Стәрлетамаҡ халҡын һәм ҡунаҡтарын хәләл мәҙәниәте һәм йолалары менән таныштыра. Фестивалдә киң гастромайҙансыҡ тәҡдим ителәсәк. Тәмле һәм сифатлы аҙыҡ яратыусылар “хәләл”дең бөтә талаптарына ярашлы әҙерләнгән төрлө ризыҡтарҙан, эсемлектәрҙән һәм тәм-томдарҙан ләззәт аласаҡ. Традицион ҡыҫтыбый, милли ҡамыр ризыҡтары, былау, башҡорт сәйе, ҡымыҙ — тәҡдим ителгәндәрҙең тулы булмаған исемлеге. Бынан тыш, Башҡортостандан, шулай уҡ Татарстан Республикаһынан һәм Кострома өлкәһенән 70-тән ашыу оҫта фестивалдең йәрминкә майҙансығында теркәлгән. Улар ҡулдан эшләнгән тауарҙар: биҙәүестәр һәм аксессуарҙар, тәбиғи