Бишкек шаарындагы №62 гимназиясында жаңы стадион курулууда. Ала-Арча дарыясынан сугарылуучу автоматташтырылган система, жумшак капталган чуркоо жолдору, спорт аянтчалары жана түнкү жарыктандыруу каралган. Объект 75% даяр, ачылышы 2025-жылдын 31-августуна пландалууда.
🏗️ Бишкекте жайгашкан №62 гимназиясынын аймагында жаңы стадиондун курулушу жүрүп жатат. Бул долбоор 2024-жылдын 28-августунда башталып, шаардык бюджеттин эсебинен каржыланууда.
🌿 Стадиондо 3500 чарчы метр газон отургузулат жана автоматташтырылган сугаруу системасы орнотулат. Сугаруу үчүн суу Ала-Арча дарыясынан алынган сугат суусу менен толтурулган резервуардан алынат, ал эми ичүүчү суу колдонулбайт.
🏃♂️ Долбоордо жумшак резина каптоосу бар чуркоо жолу, воркаут зонасы, балдар аянтчасы, футбол, баскетбол жана волейбол аянтчалары каралган.
🏫 Аймакта мектеп иш-чараларына арналган жайлар жана түнкү жарыктандыруу да орнотулат.
🔧 Учурда объекттин 75% бүткөрүлгөнү белгиленүүдө. Курулушту аяктоо жана стадионду ачуу 2025-жылдын 31-августуна, Билим күнү белгиленген.