Men Eronga kelishuv uchun ko‘p imkoniyatlar berdim – Tramp
AQSH prezidenti Isroilning Eronga zarbalari yuzasidan bayonot berdi. Donald Tramp vayronagarchiliklarni to‘xtatishning yo‘li sifatida yadroviy kelishuvga chaqirgan.
"Ularni qat’iy ogohlantirdim — “shunchaki bajaringlar,” dedim. Ammo ular muvaffaqiyatsizlikka uchradi. Men buning oqibati ular kutganidan-da yomon bo‘lishini aytgan edim.
Qo‘shma Shtatlar dunyodagi eng kuchli va eng halokatli qurollarni ishlab chiqaradi — Isroilda ularning ko‘pi bor va yana ko‘pi yo‘lda.
Ba’zi eronlik qattiqqo‘l mulozimlar o‘zlarini qo‘rqmas qilib ko‘rsatdi — endi ularning bari O‘LDIRILDI. Vaziyat bundan ham yomonlashadi.
Katta vayronagarchiliklar bo‘ldi, ammo kelishuv hali ham navbatdagi vahshiy hujumlarning oldini olishi mumkin. Eron o‘z imperiyasining qolgan qismini saqlab qolish uchun hozir harakat qilishi kerak. O‘lim va vayronagarchilikni to‘xtatish zarur. “KECH BO‘LMASIDAN OLDIN, BU ISHNI QILING", degan Donald Tramp.
