Бишкекте өткөн «Мен өз эмгек укуктарымды билем» аттуу республикалык эссе конкурсуна 9-11-класстын окуучулары катышты. Адылбек Касымалиев жеңүүчүлөргө баалуу сыйлыктарды тапшырды.
🎉 Кыргыз Республикасынын президентинин атынан Адылбек Касымалиев мектеп окуучулары арасында өткөн республикалык “Мен эмгек укуктарымды билем” аттуу эссе сынагынын жеңүүчүлөрүнө сыйлыктар тапшырды.
📚 Бул сынак балдардын эмгек укуктарын коргоо темасына арналган жана Кыргыз Республикасынын Балдар укуктары боюнча ыйгарым укуктуу өкүлүнүн катчылыгы тарабынан уюштурулуп, Кыргызстан кесиптик кошуундар федерациясы жана Ф. Эберт фонду тарабынан колдоого алынган.
👩🎓 Сынакка өлкө боюнча 2400дөн ашуун мектеп окуучулары катышып, мыкты иштер атайын комиссия тарабынан тандалып алынган. Жеңүүчүлөргө ноутбук, планшет, телефон жана электрондук китеп сыяктуу баалуу сыйлыктар тапшырылды.
🗣 Адылбек Касымалиев өз сөзүндө укуктарды эрте куракта билип, үйрөнүүнүн маанилүүлүгүн баса белгилеп, бул ийгиликтүү келечектин кепилдиги экенин айтты.
📖 Ал окуучуларды билим алууга, китеп окууга жана пайдалуу иштер менен алектенүүгө чакырып, билим – бул ийгиликтин ачкычы экенин баса белгиледи.
🤝 Адылбек Касымалиев балдардын укуктарын коргоо жалпы улуттук кыймылга айланарына жана мындай конкурстар Кыргызстандын социалдык жоопкерчиликтүү жарандарынын калыптанышына өбөлгө түзөрүнө үмүт артарын билдирди.
🏛 Иш-чаранын аягында катышуучулар үчүн президенттин администрациясынын жаңы “Ынтымак Ордо” имаратына экскурсия уюштурулду.