Бөгөн башланып, 8 июнгә тиклем барасаҡ “Әйҙә, уйнарға” II Бөтә Рәсәй уйындар һәм уйынсыҡтар фестиваленә ярашлы, “Турист биләмәләрен үҫтереүгә этәргес булараҡ, балалар туризмы” тигән темаға стратегик фекер алышыу булды. Унда төп иғтибар балалар өсөн уңайлы, хәүефһеҙ мөхит булдырыу, баш ҡалала ғаилә менән сәйәхәт итеүгә яҡшы мөмкинлектәр асыу бурыстарына йүнәлтелде. Сарала Башҡортостандың эшҡыуарлыҡ һәм туризм министры Зөһрә Гордиенко, Рәсәй турист индустрияһы союзының балалар һәм йәштәр туризмы буйынса проект офисы етәксеһе Елена Перескокова, “Яңы проекттарҙы үҫтереү буйынса стратегик башланғыстар агентлығы” ойошмаһының “Ҡала иҡтисады” дивизионы программаһы етәксеһе Светлана Подшибякина, баш ҡала хакимиәте, мәғариф ведомстволары вәкилдәре, төрлө төбәктәрҙән килгән тармаҡ белгестәре ҡатнашты. Өфө ҡалаһы хакимиәте вәкилдәре үҙ сығышында билдәләүенсә, балаға йәшәгән урынында уңайлы, яҡшы булырға тейеш. Был йәһәттән баш ҡалабыҙҙа төрлө эштәр башҡарыла. Мәҫәлән, Өфө дәүләт нефть техник униве