30 майҙа, III Китап байрамы башланған көндә, БР Башлығы Радий Хәбиров менән Рәсәй Китап союзы президенты Сергей Степашин күсмә ултырыш үткәрҙе. Ул эшлекле мәсьәләләргә арналды. Бында нәшриәттәр, полиграфия ойошмалары, китапханалар вәкилдәре, яҙыусы һәм журналистар, профиль министрлыҡтары һәм ведомстволары етәкселәре ҡатнашты. Республика етәксеһе хәҙерге заман милли әҙәбиәтен популярлаштырыу, китапханаларға булышлыҡ итеү өсөн күп нәмә эшләнә, тип билдәләне. З. Биишева исемендәге “Китап” нәшриәте тураһында һөйләне, китапханалар селтәрен телгә алды. БР Башлығы республикала яҙыусыларға ярҙам системаһы булдырылыуы хаҡында ла әйтеп үтте. Бында С. Юлаев, Ш. Бабич, Һ.Дәүләтшина исемендәге премиялар, 30-ҙан артыҡ муниципаль награда инә. “Тиҙҙән балалар әҙәбиәте конкурсы башлана. Балалар һәм үҫмерҙәр араһында башлап яҙғандар өсөн конкурс тураһында ла уйлайбыҙ. Хәрби-патриотик әҫәрҙәр буйынса күләмле конкурсты ла башланыҡ, уның приз фонды 10 миллион һум тәшкил итә”, – тип таныштырҙы Радий Хәбиро