Президент Садыр Жапаров иш сапары менен Ысык-Көл облусуна барып, аймактын өнүгүү пландары менен таанышты. Аймакта жолдор, мектептер, оорукана жана ГЭСтердин курулушу жүрүп жатат. Туризм тармагында да иштер уланууда.
🌍 Кыргыз Республикасынын Президенти Садыр Жапаров бүгүн, 23-майда, Ысык-Көл облусуна болгон иш сапарынын алкагында анын өнүгүү пландары менен таанышты.
📊 Облустун социалдык-экономикалык өнүгүү көрсөткүчтөрү жана жергиликтүү калктын жашоо сапатын жакшыртуу, экономикалык өсүштү стимулдаштыруу максатында ишке ашырылып жаткан долбоорлор тууралуу маалымат берилди.
💰 Ысык-Көл облусунун бюджети 1 миллиард 668 миллион сомду түзөт, ал эми ички жана тышкы инвестициялардын көлөмү 10 миллиард сомдон ашты.
🛣️ Облус аймагында 311 км жол курулууда, анын ичинде ири долбоорлор: Түп – Кеген, Балыкчы – Барскоон, Корумду – Балбай. Жакын арада Барскоон – Каракол автожолунун курулушу башталат.
🏗️ 134 объекттин курулушу жүрүп жатат, алардын ичинен 69 объект пайдаланууга берилди. Булардын катарында 11 мектеп, 10 бала бакча, спорт комплекси, 29 мини-футбол аянтчасы, 2 оорукана жана 13 фельдшердик-акушердик пункт бар.
⚡ 2025-жылга карата 4 кичи ГЭС жана 300 мегаваттык күн электр станциясы курулат. Келечекте дагы 34 кичи ГЭС, 5 күн жана 1 шамал электр станциясы куруу пландалууда.
🚰 Ысык-Көл облусунун 22 айылы таза ичүүчү суу менен камсыздалат.
🏖️ Туризм тармагында пляждарды жакшыртуу жана эс алуучулар үчүн шарттарды түзүү боюнча пландуу иштер жүргүзүлүүдө. Чолпон-Ата шаарында пляж аймагын куруу иштери аяктап, бул сезонго чейин бүтүрүү пландалууда.