Туймазылағы “СтройХолдинг” кирбес заводы “Һөҙөмтәле һәм конкурентлы иҡтисад” милли проектының (национальный проект “Эффективная и конкурентная экономика”) “Хеҙмәт етештереүсәнлеге” федераль проектында ҡатнаша. Предприятиеға һаҡсыл етештереү алымдары индерелә башланы, тип хәбәр ителде Башҡортостан Хөкүмәте сайтында. Был заводҡа 1956 йылда нигеҙ һалынған. Унда үҙебеҙҙә генә түгел, башҡа төбәктәрҙә лә мохтажлыҡ кисерелгән һары кирбес етештерелә. “Төҙөлөш тармағы предприятиеларын конкуренцияға һәләтле, технология яғынан үҫешкән итеп күргебеҙ килә. “Хеҙмәт етештереүсәнлеге” проектында ҡатнашыу компанияларға яңы уңышлы тәжрибәләрҙән файҙаланыу, заманса идара итеү алымдарына өйрәнеү мөмкинлеген бирә”, – ти республика Хөкүмәтенең беренсе вице-премьеры – иҡтисади үҫеш һәм инвестиция сәйәсәте министры Рөстәм Моратов. Федераль проект буйынса адреслы ярҙам сараларына ярашлы, Төбәк компетенциялар үҙәге эксперттары етештереү эшмәкәрлегенә тулыһынса диагностика яһай, һөҙөмтәлелекте күтәреү резервтары