Төбәк етәксеһе үҙенең инеш һүҙендә Башҡортостанда фәнни-белем биреү мөхитен нығытыуҙың төп йүнәлештәре хаҡында һөйләне. – Бер нисә йыл элек, республикабыҙҙың үҫешен анализлап, беҙ эшләргә тейешле йүнәлештәрҙе билдәләнек, – тине Радий Хәбиров. - Уҡыу миграцияһын үҙгәртеү мөһим ине. Меңәрләгән йәш егет һәм ҡыҙ һөнәри белем алыу өсөн башҡа төбәктәргә китә. Бынан тыш, республика илебеҙҙең фәнни картаһында лайыҡлы урын алһын өсөн фәнде, юғары мәктәпте һәм бизнесты берләштереү кәрәклеген аңланыҡ. Эш ике мөһим компонентты формалаштырыуға йүнәлтелде. Беренсеһе - фәнни-белем биреү инфраструктураһын формалаштырыу. Беренсе амбициоз проект донъя кимәлендәге Евразия ғилми-белем биреү үҙәге булды. Беҙ федераль кимәлдә һайлап алыуҙы үттек һәм уны ойоштороу хоҡуғын алдыҡ. Киләһе этапта юғары уҡыу йорттарыбыҙҙың «Өҫтөнлөк 2030» федераль программаһында ҡатнашыуы булды, ул университеттарҙың фәнни-белем биреү базаһын нығытыуға федераль аҡса йәлеп итеүҙе күҙ уңында тота. Хәҙер программала дүрт юғары уҡыу