Көн тәртибендә төбәктең сит илдәр менән тышҡы иҡтисади хеҙмәттәшлеге, шулай уҡ Рәсәй Сит ил эштәре министрлығының Башҡортостандағы вәкиллеге эшмәкәрлеге мәсьәләләре ҡаралды. Радий Хәбиров төбәктең тышҡы сәйәсәт ведомствоһы менән үҙ-ара килешеп эш итеүенең мөһимлеген билдәләне. – Беҙ Рәсәй Сит ил эштәре министрлығы менән конструктив эш алып барабыҙ. Өфөлә министрлыҡтың вәкиллеге әүҙем эшләй. Уны тәжрибәле дипломат Венер Мөхәмәтфатих улы Ғәлиәкбәров етәкләй. Беҙ уның республиканың халыҡ-ара бәйләнештәрен үҫтереүгә индергән өлөшөн юғары баһалайбыҙ, – тине Башҡортостан Башлығы. Рәсәй Сит ил эштәре министрлығының махсус йөкләмәләр буйынса илсеһе төбәк етәксеһенә йылы ҡаршылауҙары өсөн рәхмәт әйтте һәм килеүенең маҡсаттары тураһында һөйләне. – Сәфәребеҙҙең төп бурысы – төбәк вәкиллеге эше менән танышыу, тәжрибә уртаҡлашыу, ағымдағы мәсьәләләрҙе тикшереү һәм артабанғы хеҙмәттәшлек өсөн тәҡдимдәр әҙерләү, – тине Эдуард Малаян. – Башҡортостандың әүҙем үҫешеүен, халыҡ-ара партнерҙарҙың киң даирә