Наі-трудна заданіе теоретичноі физикы вече неж половина столѣтіа іе твореніе единоі теоріи, ктора би заіединіала гравитаціи и три ини закладни силы Всіеміра: силна и слаба іѧдерна сила, а такоже електромагнитна. Физикы пробоваху то створити, але достаху само два столпа, кторы не сѧ соіединіаіѫт ‐ теоріа односности Алберта Еінштеіна и квантова теоріа поліа.
Ново одкрытіе, же сѫ створили изискатели из финскаго изучилища Аалто може стати преломным моментов в исканіи сіеі теоріи. Недавно іе был выдан чланек в часопису Reports on Progress in Physics, де научницы Мико Партанен и Іука Тулки предлагаіѫт нову квантову теоріу гравитаціи, же іе сомѣстимоіѫ со Стандартным моделом чѧстиц. Овы предлог одкрыіе пѫті до полнѣішего разуменіа произхода Всіеміра и екстремалных поіав както чърни диры.
Како говори Партанен, главны творец изисканіа, возможным іе же чрез нѣколіко лѣт заклад сіеі теоріи бѫде позволити разгадати наі‐важни изпыты и проблемы, в кторых донынѣ сѧ сомнѣіѫт наі‐геніални умы человѣчества.
Ако сіа теоретична база бѫде корыстана както полна квантова грацитациіна теоріа, она може дати одповѣді на далнѣіши изпыты както: природа сингуларности, же іе в чърных дирах, а такоже обсредина Всіеміра в първи краткы (часцы) послѣ Велікаго Выбуха.
Хоті Партанен и не хоче корыстати термин, але подобна теоріа описа всѣх сил природы іе чѧсто звана както «Теоріа всего».
Новы способ разуменіа гравитаціи
Главны пролом финскых изискателіеі іе в тому, же они помыслили сѫ гравитаціу како калибрациіну теоріу, где чѧстицы имѫт взаіемну дѣіності през поліе, подобно дліа иных тріех закладных (фундаменталных) сил. Како говори Іука Тулки, наі‐познано калибрациіно поліе іе електромагнитно, же посредуіе взаіемодѣіство чѧстиц с електричным набоіем (полненіем). Аналогично, ако глѧдаме чѧстицы енергетични, то взаіемно дѣіство согласно енергіи муси сѧ посредати през гравитациіно поліе.
Одлично од симетріи простора/времени, же сѧ корыста в теоріи односности, нова теоріа корыста симетріу, же іе по-близоі до симетріи Стандартнаго модела: то дозволіаіе вкліучити гравитаціу в дослѣдну квантову концептову структуру и преидти разрыв меджу двома несомѣстными, але правидловыми взораи на Всіемір: квантовоі физикоі о мірѣ с безконечно малыми чѧстицами и вѣроіѧтностными іавеніами и взором теоріи односности, же описуіе ход макротѣл (велікых тѣл) в сѫтности гравитаціи.
Обѣдвѣ видеіы быстѣ провѣрени и изпробовани во множествѣ експериментов с наі‐велікоі точностіу, але іествоваху несомѣстно в математичных и концептуалных структурах. С поводу, же гравитаціа іе много слабѣіше од иных сил, іавеніе квантовых ефектов трѣба екстремалных обсредин од енергіи и точности мѣреніа. Именно в такых мѣстѣх како чърни диры и ранниі Всіемір квантова гравитаціа приходи како незамѣнливы и наі‐удобны инструмент.
Партанен, ктор іе давно горливым од наі‐велікых изпытов, же даіе физика, купно с Тулки іе изработал новы подход на закладѣ симетриі, ктор може одкрыти нову еру научнаго разуменіа, подобно како теоріа односности заложише базу такых технологичных приложениі како GPS, ктор сѧ корыстаіе кажды дені в каждому устроіу.