Башҡортостанда аномаль ҡыштан һуң аномаль яҙ килде. Тәҙрә артында йә йәйге эҫе, йә арктик һыуыҡ һәм ҡар яуыуы, йә биналарҙың ҡыйығын емергән дауыллы ел. Алдағы йәйҙән нимә көтөргә? Рәсәй Гидрометеорология үҙәгенән йәйге айҙарға һауа торошо фаразына ярашлы, июндә һауа температураһы нормаға яҡын йәки унан түбәнерәк буласаҡ. Беренсе йәйге ай өсөн был +16, +19 градус. Июль айының эҫе булыуы фаразлана. Һауаның уртаса тәүлек температураһы стандарт уртаса тәүлек +17, +21 градустан юғарыраҡ йәки яҡынса булыуы көтөлә. Августа температура нормаға яҡын йәки унан юғарыраҡ — +15, +19 градус тирәһе. Июнь айында яуым-төшөм норма сиктәрендә, июлдә — норма тирәһендә, ә көнсығышта — норманан түбәнерәк, ә август айында — норманан түбәнерәк, ә көньяҡта – норма тирәһендә көтөлә. Алдан ҡурҡытҡан аномаль эҫе йәй тойолмай. Ләкин был һауа торошоноң яҡынса булыуын күҙ уңында тотҡанда, июнгә тиклем уның әллә нисә үҙгәреүе лә бар. Ҡарарбыҙ, иҫән булайыҡ ҡына! Фото: Әлиә Хужәхмәтова.