📍Зәй район башлыгы кыска вакытлы ялга кайткан хәрбиләр белән очрашты💫
Ихлас, ачыктан-ачык сөйләшү «Без бергә» педагогик-психологик ярдәм үзәгендә чәй табыны артында рәсми булмаган шартларда узды.
Очрашу балалар музыка мәктәбендә тәрбияләнүче Злата һәм Влада Урамоваларның иҗади чыгышларыннан башланды. Махсус хәрби операция зонасында һәлак булган якташларыбыз бер минут тынлык белән искә алынды💔
Хәрбиләрне аларга һәм гаиләләренә күрсәтелүче ярдәм белән таныштырдылар, шулай ук аларның үз проблемаларын район башлыгы Разиф Кәримовка да җиткерү мөмкинлеге булды. Очрашуда катнаштылар:
- район башлыгы урынбасары Петр Уразайкин,
- район башкарма комитеты җитәкчесенең социаль мәсьәләләр буенча урынбасары Регина Камалова,
-хәрби комиссар Айрат Әгъләмҗанов,
- хәрбиләргә ярдәм итүче волонтерлар, җәмәгать эшлеклеләре.
Разиф Галиевич хәрбиләрне шәһәр-районда башкарылган һәм планлаштырылган эшләр белән таныштырды, барлык зәйлеләр исеменнән аларга Ватан мәнфәгатьләрен яклаулары өчен рәхмәт белдерде🙏🏽
