Ағиҙел яры буйындағы Колоннадаға иғлан ителгән фотоконкурстың жюри командаһын тәҡдим итәбеҙ. Фотоһүрәттең, мәҙәниәттең, журналистиканың, архитектураның тәжрибәле оҫталары һәр эште баһаларға әҙер. Жюри составында Рәсәйҙең Йәмәғәт палатаһы ағзаһы Рәмил Рәхимов, Республиканың Дәүләт Йыйылышы – Ҡоролтай депутаты Шамил Вәлиев, Абхазияның Йәштәр эштәре һәм спорт буйынса матбуғат секретары Алиса Инапшба, Абхазияның Йәштәр эштәре һәм спорт буйынса дәүләт комитетының йәштәр бүлеге начальнигы Идрис Кара-Осман-оглы, Башҡортостан Башлығы Хакимиәте фотографы Азат Мөхәмәтйәнов һәм башҡалар бар. Фотоконкурс 25 октябрҙән 24 ноябргә тиклем уҙғарыла. Эштәр ике этапта баһаланасаҡ: халыҡтың тауыш биреүе һәм профессиональ жюриҙың һайлауы.