3 сентябрҙә Башҡортостан Башлығы Радий Хәбиров рәйеслегендә үткән аҙналыҡ оператив кәңәшмәлә республикала аҙ форматлы сауҙа үҫеше тикшерелде. Башҡортостандың сауҙа һәм хеҙмәттәр министры Алексей Гусев билдәләүенсә, был йүнәлешкә ярҙам урындағы тауар етештереүселәрҙе дәртләндерә, шулай уҡ ауыл райондарында яңы эш урындарын булдырыуға булышлыҡ итә. – Аҙ форматлы сауҙаны үҫтереү өсөн Башҡортостанда бөтә тейешле норматив акттар ҡабул ителде. Атап әйткәндә, хәҙер сауҙа объекттарын ҡуртымға алыу килешеүҙәрен ете йылға тиклем оҙайтырға, шулай уҡ сауҙалашыу үткәрмәйенсә тауарҙарҙы мобиль һатыу өсөн урындар бирергә мөмкин, – тине Алексей Гусев. Һуңғы өс йылда республикала стационар булмаған сауҙа объекттары һаны 15 процентҡа – 7,5 меңгә тиклем артҡан. Башҡортостан Башлығы Радий Хәбиров ошо эшҡыуарлыҡ өлкәһе динамикаһын юғары баһаланы, ләкин объекттарҙың эстетик торошон күҙәтергә кәрәклеген билдәләне. – Ҡайһы берҙә стационар булмаған сауҙа нөктәләре насар булып күренә. Был объекттарҙың тышҡы ҡиә