Бер ай элек студенттар командаһы биоэсәк трансплантацияһы операцияларының беренсе серияһын уңышлы тамамлағайны. Икенсе операция реабилитация осоро үҙенсәлектәрен һәм организмдың үҙенсәлекле реакцияһын ентекләберәк өйрәнеү өсөн тикшеренеүҙәрҙе киләһе этапҡа күсерә. Патоморфологик һәм иммуногистохимик тикшеренеү яҡшы һөҙөмтәләр күрһәткән, был артабанғы тикшеренеүҙәр үткәреүгә яҡшы перспективалар бирә. Икенсе операция барышында биофизик үҙенсәлектәре үҙгәртелгән биоинженер скаффолд ҡулланылған, шулай уҡ яҡшыртылған хирургик техникалар тормошҡа ашырылған. Проекттың кураторы Данил Хәлилов һүҙҙәренсә, медиктар командаһы Новосибирск дәүләт медицина университеты менән берлектә башҡа хайуандар моделдәрендә методиканы һынап ҡарарға һәм һөҙөмтәләрҙе XII Бөтә Рәсәй трансплантологтар съезы конференцияһында яҡларға ниәтләй. Буласаҡ табиптар тейешле ғилми мәҡәләләр әҙерләй һәм, үткәрелгән тикшеренеүҙәр ыңғай һөҙөмтә бирһә, ошо методикаға патент аласаҡтар. Фото: pravitelstvorb.ru