“Мәҙәниәт” милли проекты сиктәрендә булдырылған Стәрлетамаҡ районының Наумовка модель ауыл китапханаһына ғаилә менән уҡыу өсөн балалар китаптары, бик күп балалар һәм үҫмерҙәр өсөн нәфис һәм үҫтереүсе әҙәбиәт килгән. “Балалар баҫмалары менән комплектлағанда уҡыусыларыбыҙҙың барлыҡ теләктәрен һәм ҡыҙыҡһыныуҙарын иҫәпкә алдыҡ, китап нәшриәттәренә мониторинг уҙғарҙыҡ, һәм яңы сыҡҡан китаптар рейтингын күҙәттек. Китап ысын мәғәнәһендә изге һәм мауыҡтырғыс, сифатлы, уҡылыу уңайлы шрифт менән булһын өсөн тырыштыҡ”, – тип фекерен уртаҡлашты китапхана мөдире Елена Степанова. Мәҫәлән, “ВАКОША” нәшриәтенән “Изге китаптар” китаптар серияһы балаларҙы тормоштағы иң мөһим нәмәләр – яҡындарына һөйөү һәм иғтибар хаҡында һөйләй – изге, хәстәрлекле һәм ғәҙел булырға өйрәтә. Китапханаға Ирина Зартайскаяның “Минең әсәйем иң яҡшыһы!”, “Минең атайым иң яҡшыһы!”, “Минең өләсәйем иң яҡшыһы!”, “Минең олатайым иң яҡшыһы!” тип аталған изге әкиәттәре килгән. “РОСМЭН” нәшриәтенең күптәргә оҡшаған “Мышонок Тим” серияһы, кескәйҙәргә хис-тойғоларын һәм хаталарын аңларға ярҙам итәсәк. “Альпина.Балалар” нәшриәтенән Лиана Шнайдерҙың китаптары уҡыуҙа ярҙам итәсәк, баланың үҙаллылығын һәм мотивацияһын күтәрәсәк. “Стрекоза” нәшриәтенең “Мөхәббәт менән тәрбиәләү” китаптар серияһы файҙалы кәңәштәр биреүҙән тыш, балалар һәм өлкәндәр араһында мөхәббәт, ихтирам һәм аңлашыу нигеҙендә үҙенсәлекле бәйләнештәр булдырырға ярҙам итә. Бөтә был китаптар, ысынлап та, бөтә ғаилә ағзаларының күңеленә хуш киләсәк, һәр китапта тиерлек ата-әсәләр өсөн тап бала аңларға, баланы нисек һәм нимәгә өйрәтергә, ата-әсәләрҙең бурыстары, балаларҙы нимәгә өйрәтергә кәрәклеге тураһында баш һүҙ бар. Билдәле булыуынса, “Мәҙәниәт” (национальный проект “Культура”) милли проекты Рәсәй Президенты Владимир Путиндың май указы менән булдырылды. Фото: Стәрлетамаҡ районы хакимиәте.