Башҡортостан Башлығы Радий Хәбиров “Башинформ” мәғлүмәт агентлығының директорҙар советы рәйесе Фәнүр Йәғәфәровҡа республиканың атҡаҙанған матбуғат һәм киң мәғлүмәт саралары хеҙмәткәре исемен бирҙе. Был хаҡта ул бөгөн Хөкүмәттең аҙналыҡ кәңәшмәһендә хәбәр итте. Әйткәндәй, бөгөн ул юбилейын билдәләй, Фәнүр Мөхәррәм улына 50 йәш тулды. – Бөгөн "Башинформ"мәғлүмәт агетлығының директорҙар советы рәйесе Фәнүр Йәғәфәров тыуған көнөн билдәләй. Уға 50 йәш тулды. Фәнүр Мөхәррәм улы бик мөһим йүнәлештә эшләй, киң мәғлүмәт саралары эшмәкәрлеген координациялау менән шөғөлләнә. Мин һеҙгә эште яҡшы ойошторғанығыҙ өсөн рәхмәт белдерәм. Һеҙ – ысын илһөйәр һәм яугир, – тине Радий Хәбиров, Фәнүр Йәғәфәровҡа лайыҡлы награданы тапшырып. Фото: скриншот.