Абдураҳмонов Яхё Абдуғаниевич 12 июль 1988 йилда туғилган. 2008 йилда Тошкент давлат юридик институтини, 2010 йилда Тошкент давлат юридик институти магистратурасини битирган. Меҳант фаолиятини 2008 йилд Ўзбекистон Республикаси Адлия вазирлиги бошлаб, адлия органларида турли лавозимларда фаолият юритган.
Шундан сўнг, прокуратура органларида 2011 йилда Тошкент вилояти, Паркент туман прокурорининг ёрдамчиси лавозимида фаолиятини бошлаб, 2014-2016 йилларда Тошкент вилояти прокуратураси судларда фуқаролик ишлари кўрилишида прокурор ваколатини таъминлаш бўлими прокурори, 2016-2017 йилларда Тошкент вилояти прокуратураси уюшган жиноятчилик ва коррупцияга қарши курашиш бўлими катта терговчиси, алоҳида муҳим ишлар бўйича терговчиси, 2017-2019 йилларда Тошкент шаҳар Шайхонтоҳур тумани прокурорининг ўринбосари, 2019-2020 йилларда Тошкент шаҳар прокуратураси Иқтисодий соҳада қонунчилик ижроси устидан назорат бўлими бошлиғининг ўринбосари лавозимларида фаолият юритган.
Шу орада 2020-2021 йилларда Ўзбекистон Республикаси Бош прокуратураси Академияси раҳбар кадрларни қайта тайёрлаш курси тингловчиси бўлган.
2020-2023 йиллар мобайнида Тошкент шаҳар прокуратураси Ижтимоий соҳада қонунчилик ижроси устидан назорат бўлими бошлиғи лавозимида фаолият юритган.
10 август 2023 йилдан бошлаб Ўзбекистон Республикаси Бош прокурорининг тегишли буйруғи билан Юнусобод туман прокурори лавозимига тайинланиб, ҳозирги кунга қадар мазкур лавозимда ишлаб келмоқда.
Абдураҳмонов Яхё Абдуғаниевич Ўзбекистон Республикаси Бош прокурорининг 15.02.2021 йилги буйруғи билан “25 лет КСГП СНГ” халқаро медали билан, 27.08.2022 йилги буйруғи билан “Ўзбекистон Республикасига 30 йил” эсдалик нишони, 21.05.2024 йилдаги буйруғи билан III даражали “Аъло хизматлари учун” кўкрак нишони билан мукофотланган.