"Өфө уттары" тапшырыуы көн һайын, дүшәмбенән йомаға тиклем, 20 сәғәт 10 минутта эфирға сыға.
Ергә яҙ килде. Тирә-яҡ көндән-көн матурлана бара, муйыл-алмағастар сәскә ата, донъя хозурлана. Күҙҙәребеҙ ошо матурлыҡты күреп, йыуанып туй алмай. Ә бит ҡайһы бер кешеләр ошо гүзәллекте күреүҙән мәхрүм, уны ишетә һәм тоя ғына ала. Һүҙебеҙ – һуҡырҙар һәм насар күргәндәр тураһында. Шулай ҙа уларҙың Ергә ҡарата иҫ киткес матур мөнәсәбәте, аңлы, белемле булырға теләүе һоҡландырмай ҡалмай. Был йәһәттән мөмкинлектәре сикләнгән кешеләргә махсус ойошмалар ярҙамға килә. Мәкәрим Төхвәтшин исемендәге һуҡырҙар өсөн махсус китапхана – шундай изгелек таратҡан ойошмаларҙың береһе. Быйыл китапхана 75 йыллығын билдәләй. Бында һуҡырҙар һәм насар күргәндәр өсөн бай китаптар йыйылмаһы һаҡланып, даими тулыланып һәм яңыртылып тороу ғына түгел, унда төрлө мәҙәни саралар, осрашыуҙар уҙғарылыуы – инде хәҙер өйрәнелгән күренеш. Шулай уҡ китапхана хеҙмәткәрҙәре мөмкинлектәре сикләнгән уҡыусылары өсөн төрлө байрам һәм махсус акциялар үткәрә.
Ошоларҙың барыһы тураһында беҙ 30-сы апрель, "Рәсәй-Башҡортостан" радиоһында "Өфө уттары" тапшырыуының шишәмбе сығарылышында Мәкәрим Төхвәтшин исемендәге һуҡырҙар өсөн Башҡортостан республика махсус китапханаһының тифлонәшриәт бүлегенең башҡорт теле буйынса мөхәррире Айзилә Вәлиева һәм уҡыусыларҙың ял вакытын ойоштороу бүлегенең төп китапханасыһы Илмира Сибәғәтова менән әңгәмәләштек.
Смотрите видео
--------------------------
Присоединяйтесь к каналу Башкортостан 24 в Дзен и будьте в курсе всех последних новостей и событий, происходящих в Уфе и Башкирии!
Мы предлагаем Вам свежие выпуски передач производимые холдингом ГТРК «Башкортостан».