Мәскәүҙә – “Дуҫлыҡ” вокал ансамбленең тәүге концерты

Вокал ансамбленең программаһы ныҡ үҙенсәлекле ине: ансамблдең солистары академик эшкәртеүҙә Рәсәй һәм БДБ илдәре халыҡтарының йырҙарын, рус һәм сит ил композиторҙарының арияларын башҡарҙы. Бөтә Рәсәй һәм Халыҡ-ара конкурстар лауреаты Азамат Әхмәтзадин баян һәм ҡурайҙа башҡорт, татар халыҡ йырҙарын башҡарҙы. Бөтә Рәсәй һәм халыҡ-ара конкурстар лауреаты Анастасия Бобович “Батша кәләше”операһынан Марфа арияһын һәм М. Глинканың академик эшкәртеүендә А. С. Пушкиндың “Я помню чудное мгновение...” әҫәрен башҡарҙы. Концертта шулай уҡ "Дуҫлыҡ" вокал ансамбленең хормейстеры Екатерина Чичерова Н. Римский-Корсаковтың "Ҡарһылыу" операһынан Ҡарһылыу арияһын йырланы. Концертты Дарья Миронова операнан ария һәм рус халыҡ йыры менән биҙәне, ансамблдең концермейстеры, төрлө конкурстар лауреаты Юлия Калинина һәм “Тальян” татар йыры театры солисы Рената Бәҙәмшиналар ҙа сағыу моңо менән әсир итте. Бейеү – эске донъяны һәм талантты ғына түгел, ә милли характерҙы һәм милли рухты сағылдырыу ысулы ла. Бейеү хис-тойғоларҙы, кисерештәрҙе еткерә, донъяны һүрәтләй. "Алтын Ай" Мәскәү башҡорт бейеү ансамбле солистары бейеү аша башҡорт халҡының милли сифаттарын, көнкүрешен, рухын сағылдырыуға өлгәште. Моң, бейеү байрамы һәр тамашасының күңелендә тәрән эҙ ҡалдырҙы. Концерт залында тылсымлы мөхит хөкөм һөрҙө. Мелодичная музыка народов России и СНГ, громкие аплодисменты, завораживающие движения танцоров, восторженные возгласы, провожающие каждого исполнителя, никого не оставили равнодушным. Рәсәй һәм БДБ халыҡтарының нәфис көйҙәре, классик әҫәрҙәр, бейеүселәрҙең һоҡланғыс сығышы – һәр башҡарыусыны дәррәү алҡыштар оҙатып барҙы. Мәғлүмәт – Карина Бәҙретдинованан, фотолар – Гүзәлиә Баймөхәмәтова.