Башҡортостанда тауыш биреү көндәрендә – 15–17 мартта – “Рәхмәт” акцияһы үтеүе, республика халҡына тауарҙарға һәм хеҙмәттәргә ташлама хоҡуғын биргән беләҙектәр, шулай уҡ махсус приздар оторға мөмкинлек биргән QR-билеттар тапшырылыуы тураһында хәбәр иткәйнек. Был QR-билеттарҙы ирекмәндәр бөтә ғаилә ағзаларына, хатта иң бәләкәстәргә лә бирә. Башҡортостандың һайлау участкаларында ойошторолған “Рәхмәт-2024” акцияһында 15 марттың тәүге сәғәттәрендә 52 меңдән ашыу һайлаусы теркәлгән. Был хаҡта Өфөләге “Рәсәй Президентын һайлау-2024” йәмәғәт матбуғат үҙәгендә акцияны ойоштороусы Регина Ҡадирова хәбәр итте. – Бөгөн, һайлауҙың беренсе көнөндә үк, бик күп кеше беҙҙең акцияла ҡатнашырға ҡарар итте. Шуға бәйле беҙ ҡайһы бер техник өҙөклөктәрҙе күҙәтәбеҙ. Шулай ҙа сайт эшләй, уны яңынан башларға мөмкин. Тәүге 2 сәғәт 45 минут эсендә 52 меңдән ашыу кеше теркәлгән. Шул уҡ ваҡытта беҙ билетты 17 мартта 20:00 сәғәткә тиклем теркәргә мөмкин булыуын иҫкә төшөрәбеҙ, – тип һөйләне Регина Ҡадирова. Регина Ҡа