“Рәсәй” халыҡ-ара форум-күргәҙмәһендә Беларусь Республикаһының Гродненск өлкәһе көндәре асылғанда Беларусь Республикаһының Рәсәйҙәге Тулы хоҡуҡлы вәкиле Дмитрий Крутой Гродненск өлкәһенең Рәсәй төбәктәре менән сауҙа һәм сәнәғәт хеҙмәттәшлегенең юғары кимәлдә икәнлеге тураһында һөйләне. Ул былтыр Башҡортостан Республикаһының да төп партнер булыуы тураһында әйтте. - Гродненск өлкәһенең Рәсәйҙең ниндәйҙер айырым төбәген айырым алып әйтеүе ауыр. Былтыр, моғайын, Башҡортостан менәндер. Был Рәсәй һәм Беларусь төбәктәренең Х форумы менән бәйле. Ул былтыр үтте. Унан һуң сауҙа-сәнәғәт палаталары кимәлендә бизнес-делегациялар менән алмашыу булды. Был йәһәттән Гродненск өлкәһендә байтаҡ бәйләнештәр бар. Шуға күрә хәҙер бизнес бәйләнештәрен нығытырға һәм тауар әйләнешен арттырырға кәрәк, - тине Дмитрий Крутой. Башҡортостан Хөкүмәте Премьер-министры Андрей Назаровтың белдереүенсә, бөгөн ике республика араһында тығыҙ иҡтисади, сауҙа һәм парламент-ара бәйләнештәр булдырылған. Ике яҡ мөнәсәбәттәренең ҙур перспективалы проекты - “Алға” йылдам иҡтисади зонаһын булдырыу. - “Башҡорт-белорус индустриаль-инвестиция технополисы” перспективалы, оҙайлы ваҡытҡа иҫәпләнгән проект булып тора. Уға берҙәм инвестиция проекттары ҡарай. Уның үҫеше өсөн “Алға” йылдам иҡтисади зонаһын киңәйтеүҙе һәм уның биләмәһендә төҙөүҙе планлаштырабыҙ. “Алға” йылдам иҡтисади зонаһы яңы һалымдар һәм ташламаларҙан файҙаланып буласаҡ. 2030 йылға проектҡа йәлеп итеү өсөн күҙалланған инвестициялар күләме 100 миллиард һум тирәһе тәшкил итәсәк, - тине Андрей Назаров. Башҡортостан Хөкүмәте Премьер-министрының беренсе урынбаҫары Рөстәм Моратов Башҡортостан һәм Беларусь араһында хеҙмәттәшлекте үҫтереү буйынса “юл картаһы”ның эшләнәсәге тураһында белдерҙе. Республиканың тышҡы иҡтисади бәйләнештәр һәм конгресс эшмәкәрлеге буйынса министры Маргарита Болычева һүҙҙәренә ҡарағанда, Беларусь тышҡы сауҙа әйләнеше буйынса контрагент илдәр араһында дүртенсе урынды биләй. Сығанаҡ, фото: pravitelstvorb.ru/news/23256/