Андрей Назаров: "Беҙҙең бурыс - кешеләрҙең уңайлы һанлы тормошта йәшәүен һәм эшләүен тәьмин итеү"

Башҡортостандың Республикаға идара итеү үҙәгендә төбәк Һанлы үҫеш һәм дәүләт идаралығы министрлығының 2023 йылғы эшмәкәрлегенә йомғаҡ яһалды һәм ағымдағы осорға өҫтөнлөклө бурыстар тикшерелде. Коллегияның киңәйтелгән ултырышында Башҡортостан Республикаһы Хөкүмәте Премьер-министры Андрей Назаров ҡатнашты. Министрҙар кабинеты башлығы һүҙҙәренсә, Рәсәй мәғлүмәт технологиялары өлкәһе үҙгәртеп ҡороу һәм трансформация стадияһын үтә. Ҡатмарлы геосәйәси хәл һәм ҡаты санкциялар баҫымы аҫтында IT-компаниялар эске баҙарға күсә. Премьер-министр Башҡортостанда тармаҡты үҫтереүҙең өҫтөнлөклө йүнәлештәрен билдәләне. Башҡортостан Республикаһының һанлы үҫеш һәм дәүләт идаралығы министры Геннадий Разумикин электрон дәүләт хеҙмәттәрен ҡулланыусыларҙың дүрт проценттан ашыуға артыуы хаҡында һөйләне. Уның һүҙҙәренсә, хеҙмәттәрҙе электрон төргә күсереү өлкәһендәге сифатлы прогресс һәм ҡулланыусылар һанының артыуы һөҙөмтәһендә ыңғай һөҙөмтәгә өлгәшелгән. Андрей Назаров билдәләүенсә, Башҡортостан - күп проекттар һынау үткән һәм артабан тәжрибәһе бөтә илгә таратылған төбәк. Ул иғлан ителгән "Мәғлүмәттәр иҡтисады" милли проекты сараларында әүҙем ҡатнашыуҙы тәьмин итергә ҡушты. Коллегия ултырышы бүләкләү тантанаһы менән тамамланды. Сығанаҡ: https://pravitelstvorb.ru/news/23240/