“Рәсәй” күргәҙмәһендә Төркиә Республикаһы көнө үтте

Партнер илдәр көндәре сиктәрендә 28 февралдә Башҡортостан Республикаһы стендында Төркиәнең мәҙәни һәм сәнәғәт ҡаҙаныштарына арналды. Был көндө бай программа ойошторолдо: стендҡа килеүселәр һәм абруйлы ҡунаҡтар өсөн төрөк халыҡ бейеүе, “Гөлнәзирә” башҡорт вокаль композицияһы башҡарылды, Башҡортостан Республикаһының төрөк атрибутикаһы һәм этнографик өйө күрһәтелде, шулай уҡ төрөк теле дәрестәре һәм уны белеүгә конкурс үткәрелде. Төркиә Республикаһы Башҡортостан Республикаһының төп партнерҙарының береһе булып тора. Мәҫәлән, 2023 йыл йомғаҡтары буйынса Башҡортостандың дөйөм тауар әйләнеше күләмендә Төркиә Башҡортостандың дөйөм тауар әйләнеше күләменән 13,7 процент өлөш менән 2-се урында тора. 2023 йыл йомғаҡтары буйынса Башҡортостан менән Төркиәнең тышҡы сауҙа әйләнеше 2022 йыл күрһәткесе менән сағыштырғанда 111,7 процентҡа артҡан. Башҡортостан Республикаһы экспозицияһына килеүселәр өсөн төрлө тематик уйындар әҙерләнде. Мәҫәлән, Bulmaca онлайн мәктәбенең тәжрибәле уҡытыусылары теләгән һәр кем өсөн төрөк теле дәресе үткәрҙе. Дәрестә тел тураһында ҡыҙыҡлы факттар һөйләнеләр, шулай уҡ көнсығышта, айырыуса Төркиәлә популяр булған Ләйлә менән Мәжнүндең фажиғәле мөхәббәт тарихының йәнһүрәт-адаптацияһын күрһәттеләр. Шуныһы мөһим, мультфильм яһалма интеллект ярҙамында эшләнгән. Ҡунаҡтар һәм баш ҡала халҡы яңы телде өйрәнеүгә ҙур ҡыҙыҡһыныу күрһәтте, ә дәрестән һуң конкурста үҙ белемен тикшерҙе. Төркиә Республикаһы көнө уңайынан стендта сараларҙа ҡатнашҡан почетлы ҡунаҡтар исемлегенә Башҡортостан Республикаһының Рәсәй Федерацияһы Президенты ҡарамағындағы тулы хоҡуҡлы вәкиле вазифаһын башҡарыусы Ришат Халиҡов һәм дипломатик миссия Башлығы урынбаҫары, Төркиә Республикаһының Рәсәй Федерацияһындағы Илселегенең Советник-рәсүле Гюнхан Эмре ЭРСОЙ әфәнде инде. Улар сараларҙы асыу тантанаһында ҡатнашты, тематик эшмәкәрлекте ойоштороуҙы юғары баһаланы, шулай уҡ Төркиәнең Рәсәй һәм Башҡортостан менән үҙ-ара килешеп эш итеүе хаҡында һөйләне. "Рәсәй менән ике яҡлы мөнәсәбәттәребеҙ юғары кимәлдә, уларҙың күптәнге тарихы бар. Һәм беҙ хеҙмәттәшлегебеҙҙе әүҙем үҫтереүҙе дауам итәбеҙ», — тип билдәләне Гюнхан Эмре ЭРСОЙ. Ришат Халиҡов республикалар араһында эшләп килгән төп проект — Төркиәлә төҙөлөп ятҡан «Аҡҡуй» атом электр станцияһы хаҡында һөйләне. Сығанаҡ: https://pravitelstvorb.ru/news/23174/