Ишембай районында "Мәғариф" милли проектының "Социаль әүҙемлек" төбәк проектын тормошҡа ашырыу сиктәрендә "Ишембайҙың изге йөрәктәре" ирекмәндәре "IceFish 2024" ғаилә ҡышҡы балыҡ тотоу фестивален уҙғарыуҙа ярҙам итте. Бишенсе юбилей фестивале Тәйрүк йылғаһы биләмәһендә уҙҙы. Иң яҡшы балыҡсы исеменә 43 кеше көс һынашты, улар араһында Ишембай, Салауат, Стәрлетамаҡ һәм Өфө ҡалаларынан ҡатнашыусылар бар ине. Фестивалдең регламентын төҙөү һәм иғлан иткәндән һуң, балыҡсылар боҙға юлланды, унда беренсе турҙы тотоу зонаһы билдәләнгәйне инде. Был турҙа тотоуға ике сәғәт ваҡыт бирелде. Ярыштар менән бер рәттән балыҡсылыҡ клубының тәжрибәле спортсылары теләге булғандарҙың барыһы өсөн дә оҫталыҡ дәрестәре үткәрҙе. Фестивалдә Австралиянан турист Луи Дрейер ҡатнашты, уға ла боҙҙа балыҡ тотоу мөмкинлеге бирелде. Икенсе турҙа 16 кеше ҡатнашты. Контроль үлсәүҙән һуң йомғаҡ яһалды һәм еңеүселәр билдәләнде. Әлбиттә, берәү ҙә традицион тиҙ быраулау конкурсы тураһында онотманы. Бында еңеүсе бур менән бүләкләнде. Билдәле булыуынса, “Мәғариф” (национальный проект “Образование”) милли проекты Рәсәй Президенты Владимир Путиндың май указы менән булдырылды. Фото: Ишембай районы хакимиәте.