Өфөнөң Орджоникидзе районында Муса Гәрәев исемендәге сквер төҙөкләндерелде. Был эштәр “Торлаҡ һәм ҡала мөхите” милли проекты сиктәрендә башҡарылды (национальный проект “Жилье и городская среда”), тип хәбәр итә Башҡортостандың Торлаҡ-коммуналь хужалыҡ министрлығы. -“Уңайлы ҡала мөхитен булдырыу” федераль проекты арҡаһында Өфөлә халыҡ өсөн ял итергә тағы ла бер күркәм урын барлыҡҡа килде. Был иһә уңайлы ҡала мөхитен булдырыуҙа власть һәм йәмғиәттең хеҙмәттәшлеген сағылдыра, - тинеләр ведомствола. Йәйәүлеләр зонаһы ҡалала йәшәүселәрҙе һәм ҡунаҡтарҙы йәлеп иткән урынға әүерелгән. Яңыртылған сквер – Бөйөк Ватан һуғышы яугирҙәрен иҫкә ала торған тарихи ер. “Торлаҡ һәм ҡала мөхите” милли проектының төп маҡсаттарының береһе – уңайлылыҡты арттырыу. Шулай уҡ милли проект граждандарҙы үҙҙәренең ҡалаларын төҙөкләндереү буйынса һорауҙарҙы хәл итеүгә әүҙем йәлеп итеүҙе күҙ уңында тота. Бынан тыш, милли проекттың төп бурысы – йыл һайын файҙаланыуға 120 миллион квадрат метр торлаҡ тапшырыу һәм биш миллион ғаиләнең торлаҡ шарттарын яҡшыртыу. Милли проекттар Рәсәй Президенты ҡарары менән 2019 йылдан тормошҡа ашырыла. Фото: ”Молодежня газета”нан.