Найти в Дзене
ФИННО-УГРИЯ УРАЛЬСКАЯ СЕМЬЯ. Кольчурин Н.А.
254 подписчика

ЛЮБОВЬ ЛОДЫГИНА. Нина Ивановна Потапова (1946-2010). Уна бур кыв позьӧ на висьтавны тайӧ ань йывсьыс. Зэв жаль, мый абу висьталӧма ловъя дыр

10
1 мин
Бур йӧз йылысь Олӧмад тай паныдасьлӧ унджык бур йӧзыд. Коми Республикаса культпросвет училище помалӧм бӧрын миянӧс нёль нывкаӧс мӧдӧдісны распреление кузя Кӧрткерӧс шӧр библиотекаӧ. Библиотекаын паныдалыс веж юрсиа том нывбаба. Тайӧ и вӧлӧмкӧ директорным Нина Ивановна, коді лои миянлы зэв томиник специалистъяслы мамкодьӧн. А чужлӧма сійӧ Нёбдін сиктын 1946 вося апрель 29-ӧд лунӧ. Быдтӧма мамукыс Ӧтка нылӧс. Зэв раминик, книга радейтысь нывка школа помалӧм бӧрын пырас велӧдчины библиотекарӧ. Мӧдӧдасны зільны Додзь сиктӧ, татысь и аддзас асьсьыс Толюк верӧссӧ. Но во мысти корасны райисполкомӧ да шуасны, мый районнӧй библиотекалы колӧ директор и Нина заводітас овны Юр сиктын. Ми воим буретш сэк кор заводитчис сідз шусяна "Централизация библиотек" кад. И Шӧр библиотекаясӧ коліны специалистъяс, коді эськӧ вермисны сетны методическӧй отсӧг районса став библиотекалы, на лыдын и профсоюзнӧй да школьнӧйъяслы. Нина Ивановна и ачыс миянкӧд ветлӧдліс районӧ. Шуам, Маджаӧ, сэк узьмӧдчитӧг о
Оглавление
-1-2
Гижись Любовь Лодыгина.
Гижись Любовь Лодыгина.
https://kortcbs.ru/page/o_sisteme.istoricheskaya_spravka/
https://kortcbs.ru/page/o_sisteme.istoricheskaya_spravka/
kortcbs.ru
История библиотечного дела в Корткеросском районе. < О системе | kortcbs.ru
Нина Ивановна юбилей. Таня пӧдруга мӧдӧдіс.
Нина Ивановна юбилей. Таня пӧдруга мӧдӧдіс.

Бур йӧз йылысь

Олӧмад тай паныдасьлӧ унджык бур йӧзыд.

Коми Республикаса культпросвет училище помалӧм бӧрын миянӧс нёль нывкаӧс мӧдӧдісны распреление кузя Кӧрткерӧс шӧр библиотекаӧ. Библиотекаын паныдалыс веж юрсиа том нывбаба. Тайӧ и вӧлӧмкӧ директорным Нина Ивановна, коді лои миянлы зэв томиник специалистъяслы мамкодьӧн.

-4
Нина Ивановна Потапова (1946-2010) После окончания Сыктывкарского культпросветучилища в 1967 году поступила на работу в Додьзскую сельскую библиотеку. С 1969 года заведовала Корткеросской районной библиотекой. В 1978 году возглавила ЦБС. Ей пришлось проделать большую организационную работу по объединению библиотек в централизованную систему. Директором она проработала до 1989 года. Ее трудовой стаж составил более 30 лет .
Нина Ивановна Потапова (1946-2010) После окончания Сыктывкарского культпросветучилища в 1967 году поступила на работу в Додьзскую сельскую библиотеку. С 1969 года заведовала Корткеросской районной библиотекой. В 1978 году возглавила ЦБС. Ей пришлось проделать большую организационную работу по объединению библиотек в централизованную систему. Директором она проработала до 1989 года. Ее трудовой стаж составил более 30 лет .

А чужлӧма сійӧ Нёбдін сиктын 1946 вося апрель 29-ӧд лунӧ. Быдтӧма мамукыс Ӧтка нылӧс. Зэв раминик, книга радейтысь нывка школа помалӧм бӧрын пырас велӧдчины библиотекарӧ.

Мӧдӧдасны зільны Додзь сиктӧ, татысь и аддзас асьсьыс Толюк верӧссӧ. Но во мысти корасны райисполкомӧ да шуасны, мый районнӧй библиотекалы колӧ директор и Нина заводітас овны Юр сиктын.

Ми воим буретш сэк кор заводитчис сідз шусяна "Централизация библиотек" кад. И Шӧр библиотекаясӧ коліны специалистъяс, коді эськӧ вермисны сетны методическӧй отсӧг районса став библиотекалы, на лыдын и профсоюзнӧй да школьнӧйъяслы.

Нина Ивановна и ачыс миянкӧд ветлӧдліс районӧ. Шуам, Маджаӧ, сэк узьмӧдчитӧг он вӧлі веськав. Квартируйтым зав. клубом дорын. Асывнас видзӧдам ошиньӧд да кутшӧмкӧ "Русалка" ветлӧдлӧ йӧрын. А тайӧ директорным разьӧма кӧсасӧ, кӧсаыс кузь ежгов, нэбыд. Ок и красавица!

Но татшӧмнас сэсся некор эг и адзылӧй. Век новлыс скромнӧй шмак, ассьсӧ эз тшапит. Збыль вӧлі красавица. Кузь кока. Быттьӧ зэв ньӧжйӧник кывтӧ-мунӧ, а сувӧдны он и вермы.

Некор миян вылӧ эз лэптыв гӧлӧс. Кодсюрӧӧс миянӧс верӧс сайӧ сетыс. Миянкӧд свадьбуйтыс. Ӧтлаын субботничайтым пелькӧдчым библиотека гӧгӧр.

Пӧжар бӧрад Кӧрткерӧс библиотекаад вӧлі лыда книга. Вочасӧн ковмис зэлӧдчыны да вештавны библиотечнӧй фонд, мед сійӧ тӧрыс ичӧт библиотекаӧ.

Одзӧсыс сылӧн вӧлі восьса и гортас. Ме квартируйты Таня тьӧтка дорын да лёк туйъяс дырйыд (распутица) эг вермы ветлыны аслам мам дорӧ. Звӧнитас да корас гӧститны.

Уна бур кыв позьӧ на висьтавны тайӧ ань йывсьыс. Зэв жаль, мый абу висьталӧма ловъя дырйыс.

Миянлысь посни челядьӧс вӧлі шуӧ "кагунчикъясӧн", ставсӧ тӧдӧ ним серти.

Аслыс Енмыс сетӧма сӧмын ӧтка пи и зэв радейтыс став поснисӧ.

И не сӧмын: кымын шыбитӧм каньӧс да понйӧс спаситыс да примитыс. Аслас сьӧд понйыс сы бӧрся быттьӧ клеитчӧм ветлӧдліс.

Бур уджысь Нина Ивановналӧ эм почёт грамотаяс да аттьӧалана гижӧдъяс.

Медаль "Ветеран труда".

Аттьӧ, мый вӧлін менам олӧмын!

27.08.2019 во Л. Кирушева

P|S Фотография босьтӧй Шӧр библиотека архивысь.

1