Тунасьӧм. Висьт. Тӧвшӧр. Марья тьӧтка пукалӧ ӧшинь дорын да видзӧдӧ, кыдзі пышкайъяс кокалӧны кольквиж проса. Пӧчыс век шуліс, кӧсъянкӧ мед тэнад градйӧрысь быдтасъястӧ эз сёйны лёльӧ гагъяс, тӧвнас найӧс верд, сё пӧв унджык пӧльза тэд лоӧ. Да, пӧчтӧ унаысь казьтылан. Аски Василей лун, а сійӧ Васильевна вӧлі да и тӧвшӧр лунъясӧ важӧн тунасьысны. Унатор вӧчлісны. Но, Марьюшлы юрас воис тайӧ: оз тусъяс, кӧсъяд тӧдмавны, мый локтан воыс тіянлы ваяс? Кӧсъяд? Со, босьтам ыджыд тасьті. Быдӧн меным вайӧ ассьыд шыд сёян паньтӧ да войтӧдӧй сетчӧ кӧдзыд ва. Ӧні посводзӧ петкӧдам тасьтінас панъяснытӧ, а асывнас видзӧдлам. Мӧд луннас нывкаяслы телепитыс видзӧдлыны мый артмис. Со, Танюк, тэныд петкӧдлӧ, мый таво петан школаӧ, вель уна челядь юр тыдалӧ. Сандруклӧн зэв уна серпас, сідзкӧ таво лоӧ уна вотӧс да тшак и ёна котралан вӧрӧ-ягӧ. А менам лоӧма мыльк, сідзкӧ менӧ виччысьӧны мӧдар югыдас да таво лоӧ менам мыльк шойна вылын. Татшӧм тунасьӧм бӧрад Санюклы зэв шог, кыдзнӧ пӧчыс
