Токмок шаарында кызды мажбурлап никеге турууга аракет кылган шектүү кармалды. Ал кызды уурдап, коркутуулар менен никеге турууга мажбурлаган. Учурда тергөө иштери жүрүп жатат.
🔍 Токмок шаарында кызды ала качуу боюнча шектелип жаткан жаран кармалды.
🚨 Милициянын маалыматы боюнча, 2004-жылы туулган Д.А. аттуу жаран Т.А. аттуу жаран тарабынан 29-мартта эркине каршы уурдалып, үйүндө кармалганын билдирди.
🔗 Шектүү Т.А. Д.А. менен мамиледе болуп, аны алдоо жолу менен машинесине отургузуп, ээн жерге алып барып, колу-бутун скотч менен байлап, никеге турууга мажбурлаган.
🏠 Андан кийин аны үйүнө алып барып, батареяга байлап койгон. Шектүү уктап жатканда, жабырлануучу өз алдынча бошонуп чыгып, милицияга кайрылган.
🚔 Милиция кызматкерлери шектүүнүн үйүнө барганда, ал качып кетүүгө аракет кылып, кызматкерлердин бирин унаасы менен сүзүп качып кеткен.
🔍 Бишкекте жүргүзүлгөн атайын операциялардын натыйжасында шектүүнүн кайда экени аныкталып, кармалды.
⚖️ Ушул кылмыш иши боюнча тиешелүү соттук-укуктук экспертизалар дайындалып, тергөө иштери уланууда.