Алла бирһә, еңеп ҡайтырбыҙ!

Аҙна башында коллегабыҙҙы – Башҡортостан юлдаш телевидениеһының махсус хәбәрсеһе Рафиҡ Әхмәтшинды махсус хәрби операцияға оҙатҡайныҡ, әле иһә “Юлдаш” радиоһы хеҙмәткәре Бәйтулла Фәтҡуллин илдең Ҡораллы көстәре сафына баҫып, алғы һыҙыҡҡа юлланырға ҡарар итте. Бәйтулла Фәтҡуллин 30 йылға яҡын журналистика өлкәһендә эшләй: “Юлдаш” радиоһында “Асыҡ студия”, “Атайсал” тапшырыуҙарын алып барҙы, сәйәси күҙәтеүсе булды. Бөгөн, 13 декбарҙә, Башҡортостан Матбуғат һәм киң мәғлүмәт саралары агентлығы етәксеһе Максим Ульчев Бәйтулла Фәтҡуллинға "Башҡортостандың атҡаҙанған матбуғат һәм киң мәғлүмәт хеҙмәткәре" тигән маҡтаулы исем тапшырҙы. Был награда тураһында ҡарар 2 июндә ҡабул ителгән булған, әммә Бәйтулла Шәрифулла улы ҡыҙын кейәүгә биреп, бүләкләү тантанаһында ҡатнаша алмаған. “Коллегабыҙ менән ғорурланабыҙ”, - тип белдерҙе агентлыҡ етәксеһе Максим Ульчев. – Мин, журналист булараҡ, 2022 йылдың июнендә Луганскиҙа булғайным. Гуманитар ылау менән барғайныҡ. Шул ваҡытта уҡ ундағы ваҡиғаларҙы күрҙем. Әлбиттә, беҙ тәрән тылда булдыҡ, әммә унда ла һуғыш барғаны күренә ине. Шул ваҡытта уҡ миндә “барырға ине” тигән теләк уянғайны, ләкин хәл ителмәй килде. Һуңғы ваҡытта уйлап йөрөй торғас, шундай ҡарарға килдем һәм уны башта коллективҡа, һуңынан ғаиләгә иғлан иттем. Аңланылар барыһы ла. Алла бирһә, еңеп ҡайтырбыҙ тигән ҙур ышаныс менән юлға сығам. Беҙ ҡайтырбыҙ! – тип уртаҡлашты Бәйтулла Шәрифулла улы. Махсус хәрби операцияға юлланған ике журналист та - Рафиҡ Әхмәтшин да, Бәйтулла Фәтҡуллин да сығышы менән Белорет районынан. Өфөлә йәшәгән белореттарҙың ”Артыш” йәмәғәт ойошмаһы ҡыйыу йөрәкле Иҙел башы егеттәренә изге юл теләп, иҫән-һау ҡайтыуҙарын теләне. Хәтерегеҙгә төшөрәбеҙ, контракт төҙөү мәсьәләләре буйынса республика халҡы берҙәм 177 белешмә номеры буйынса, Ситуация үҙәгенә 122 йәки (347) 218-19-19-19 телефондара аша, “Минең документтарым” күп функциялы үҙәктең яҡындағы офисына мөрәжәғәт итә ала. Шулай уҡ булған һорауҙарға яуапты башбат.рф сайтында, контракт буйынса хәрби хеҙмәткә инергә теләүселәр өсөн һәм уларҙың ғаилә ағзаларына социаль ярҙам саралары тураһында "Телеграм"да таба алаһығыҙ.Башҡортостанда контракт буйынса хәрби хеҙмәткә йыйыу дауам итә. Мобиль пункттар республиканың барлыҡ ҡала һәм райондарында эшләй. Бында йыйыу тәртибе, льготалар һәм түләүҙәр тураһында консультация бирәләр, ниндәй документтар кәрәклеген аңлаталар. Дәүләт менән килешеүҙе пенсияға сыҡҡан запастағы хәрбиҙәр, саҡырыу буйынса сроклы хеҙмәттән һуң эшенән киткәндәр, шулай уҡ армияла булмаған, ләкин юғары йәки урта профессиональ белем алған ир-егеттәр ҙә төҙөй ала. Рядовойҙан алып прапорщикка тиклем контракт буйынса хәрби хеҙмәткә 65 йәшкә тиклемге ир-егеттәр ҡабул ителә. Фото: скриншот.