ЛЮБОВЬ ЛОДЫГИНА. АНДЕЛ. Мамӧ век повзьӧдліс менӧ, мый верӧс сайӧ кӧ пета, ме кула. Ме и вериты сылы. Анделъяс, бур сьӧлӧма анъяс.

12 декабря 202312 дек 2023

1 мин

Андел. Висьт. 05.12.2023 во. Шуӧны тай, мый кор чужӧ ныв, тайӧ ыджыд козин батьыслы, а нылуккӧ мед ичӧт кагук сэк кык пӧв дона козин. Менам олӧмын татшӧмыс вӧлі куим ань. Медводз Ыджыд мамукӧй. Бать-мам лелькуйтісны-бытісны-радейтісны тайӧ нылукъяссӧ. Верстьӧ олӧм эз вӧв кокни. Босьтныкӧ Ыджыджмамӧс батьыс водз кувсис. Ковмис отсасьны пӧрысь мамыслы, племяничаяслы. Война. Верӧсыс пуктіс юрсӧ вир кисьтана чорыд тышын. Нывтӧ эз жӧ кокни вӧв ӧтканад быдтыны. Олӧма нин мамыд муніс мӧдар югыдӧ, Ӧлексей вокыд 1942 воын юрсӧ пуктіс Смоленск бердса тышын. Киподтуя да вежера Сандра отсаліс и быдтыны нылыслысь челядьсӧ. Быттьӧ Андел вӧлі налы да и колі cіӧн нэм кежлӧ. А со мӧд Анделлӧн олӧмыс. Нёльӧд кагаӧн быдмис семьяас. Но чужи висьысь. Дзолюкъяс туплясьысны лым пыйын, исласьысны лыжиӧн, коньки вылын. Гожӧмнас ызгисны ю дорын. Марпушлӧн выныс эз тырмы и лишнӧй воськов вӧчны. Ӧтчыд Мӧскуваысь сикт0 гӧститны воис коми зять Игорь Олегович да казяліс нерпалысь нывкаӧс. Шуис, мый ыстас телеграмма

Оглавление

Андел.
Висьт.
05.12.2023 во.

Андел.

Висьт.

05.12.2023 во.

Шуӧны тай, мый кор чужӧ ныв, тайӧ ыджыд козин батьыслы, а нылуккӧ мед ичӧт кагук сэк кык пӧв дона козин. Менам олӧмын татшӧмыс вӧлі куим ань. Медводз Ыджыд мамукӧй.

Бать-мам лелькуйтісны-бытісны-радейтісны тайӧ нылукъяссӧ. Верстьӧ олӧм эз вӧв кокни.

Босьтныкӧ Ыджыджмамӧс батьыс водз кувсис. Ковмис отсасьны пӧрысь мамыслы, племяничаяслы. Война. Верӧсыс пуктіс юрсӧ вир кисьтана чорыд тышын. Нывтӧ эз жӧ кокни вӧв ӧтканад быдтыны. Олӧма нин мамыд муніс мӧдар югыдӧ, Ӧлексей вокыд 1942 воын юрсӧ пуктіс Смоленск бердса тышын. Киподтуя да вежера Сандра отсаліс и быдтыны нылыслысь челядьсӧ. Быттьӧ Андел вӧлі налы да и колі cіӧн нэм кежлӧ.

А со мӧд Анделлӧн олӧмыс. Нёльӧд кагаӧн быдмис семьяас. Но чужи висьысь. Дзолюкъяс туплясьысны лым пыйын, исласьысны лыжиӧн, коньки вылын. Гожӧмнас ызгисны ю дорын. Марпушлӧн выныс эз тырмы и лишнӧй воськов вӧчны. Ӧтчыд Мӧскуваысь сикт0 гӧститны воис коми зять Игорь Олегович да казяліс нерпалысь нывкаӧс. Шуис, мый ыстас телеграмма да корас аслас институтӧ. Анализъяс петкӧдлісны, мый нывкалӧн «порок сердца». Бать-мамыс сетісны сӧглас и врачъяс вӧчисны сьӧлӧм вылас колана операция. Машук быттьӧ выльысь ловзис. Школа помалӧм бӧрын мамыс водзӧ вылӧ велӧдчины эз лэдз. «Батьыд абу нин уна во, а ме пӧрысь нин. Эн коль менӧ!» Тадзі и олісны эня-ныла. Мамсӧ дзебӧм бӧрын мӧдӧдчис овны Юр карӧ: сэні олісны рӧдняыс. Аслас челядьыд эз вӧв да видзыс рӧдвужлысь дзолюкъяссӧ. Коркӧ пӧдругаыслы гусьӧн висьтасьыс: а тӧдан Настук, ме вед Андел. Мамӧ век повзьӧдліс менӧ, мый верӧс сайӧ кӧ пета, ме кула. Ме и вериты сылы. Ни ӧти мужичӧйкӧд весиг эг окасьлы. Век полі. Но, Енмыс буди сетыс кӧть рӧднялысь челядьсӧ быдтыны да мам моз найӧс лэлькуйтны. Найӧ менӧ сідз и шуӧні: «Миян муса Андел».

Коймӧд ань, сідзжӧ семъяаас мед бӧръя кага. Велӧдысь ань. Школаад ноксьыс челядькӧд да быттьӧ некор вӧлі верӧс саяд петны. Водзӧ аспирантура. Но, сьӧкыда висьмыс воча чойыс. Таня уна во чӧж видзіс сійӧс. Да и кольччис сы керкаӧ, кӧні оліс чойыслӧн верӧсыс. Ставӧн мӧвпалісны, мый олӧ сыкӧд гӧтыр пыдди, вед Танюш быдног отсасис. Но, ныв ёртыслы висьталіс, мый сійӧ Андел, эз и тӧдлы нывбаба мусукасьӧм-радейтчӧм кӧр.