Владимир Путин: "Әйҙәгеҙ, был иҫ киткес традицияларҙы һаҡлап ҡалайыҡ һәм тергеҙәйек"

Ил Президенты Владимир Путин Рәсәйҙә күп балалы ғаиләләр традицияһын тергеҙергә тәҡдим итте – был нормаға әүерелергә тейеш. Президент белдереүенсә, ғаилә – ул дәүләттең терәге генә түгел, ә рухи күренеш, әхлаҡ сығанағы. Ғаиләнең нигеҙендә мөхәббәт һәм ышаныс булышлыҡ иткән бала тыуыуы ята. Владимир Путин күп балалы ғаиләләр традицияһын тергеҙергә тәҡдим итте, сөнки элек күп кенә рус ғаиләләрендә бишәр, хатта ете бала булған. Президент күп балалылыҡ Рәсәйҙең бөтә халыҡтары өсөн норма һәм йәшәү рәүеше булырға тейешлеген һыҙыҡ өҫтөнә алды. "Беҙҙең күп халыҡтарҙа, Аллаға шөкөр, дүрт, биш һәм унан да күберәк бала тәрбиәләгән ныҡлы, күп быуынлы ғаилә традицияһы һаҡлана. Иҫегеҙгә төшөрәбеҙ, рус ғаиләләрендә лә, күп кенә өләсәйҙәребеҙҙең, олатай-өләсәйҙәребеҙҙең ете, һигеҙ һәм унан да күберәк балаһы булған. Әйҙәгеҙ, был иҫ киткес традицияларҙы һаҡлап ҡалайыҡ һәм тергеҙәйек. Күп балалылыҡ, ҙур ғаилә Рәсәйҙең бөтә халыҡтары өсөн нормаға, йәшәү рәүешенә әүерелергә тейеш", - тип белдерҙе Президент, Бөтә Донъя рус соборының пленар ултырышында сығыш яһағанда. Фото: kremlin.ru