Башҡортостандың Һаулыҡ һаҡлау министрлығы медицина лицензиялауы эшмәкәрлеге өлкәһендәге дәүләт хеҙмәттәрен күрһәтеүҙә судҡа тиклемге ялыу биреү хеҙмәтенә тоташтырылған. Хәҙер медицина хеҙмәттәре лицензиаттарының хоҡуҡһыҙ ҡарарҙарға, вазифалы кешеләрҙең эш итеү-итмәүенә ялыуҙы дәүләт һәм муницпаль хеҙмәттәрҙең берҙәм порталы аша электрон төрҙә тапшырырға була. Был хеҙмәт эше киләсәктә дәғүәләрҙе яҙыу һәм яуап алыу ваҡытын ҡыҫҡартыу, мәсьәләләрҙе судҡа тиклемге ысул менән көйләү мөмкинлеген бирәсәк. - Дәүләт идараһының һанлы үҫеш министрлығы, хеҙмәткә тоташтырыу координаторы булараҡ, Һаулыҡ һаҡлау министрлығының лицензиялау бүлеге хеҙмәткәрҙәренең эске системанан файҙалана алыуын тәьмин итте. 2023 йылдың 1 ноябренә тиклем ялыуҙарҙың маршруты йәһәтенән тикшерәбеҙ, – тип аңлатты республиканың дәүләт идараһы һанлы үҫеше министры урынбаҫары Динар Шәрәфетдинов. Хеҙмәткә ялыуҙы документтарҙы алмаған йәки хеҙмәт күрһәтелмәгән, хеҙмәт ваҡытында атҡарылмаған йәки өҫтәмә документтар талап ителгән осраҡта бирергә мөмкин. - Судҡа тиклемялыу биреү хеҙмәте Һаулыҡ һаҡлау министрлығы эшмәкәрлегендә медицина лицензиялауы хеҙмәттәрен күрһәткәндә бәхәсле хәлдәрҙе тиҙ көйләргә булышлыҡ итәсәк. Хеҙмәттәрҙән ҡулланыусылар хоҡуҡтарын суд процедураларынан тыш тергеҙә ала, ә лицензиялау буйынса белгестәр, хата ебәргән булһалар, дәүләт хеҙмәттәрен күрһәтеү процедураһына башҡаларҙы йәлеп итмәйенсә атҡара ала, - тип белдерҙе республиканың һаулыҡ һаҡлау министры урынбаҫары Ирина Кононова. Медицина лицензиялауы хеҙмәттәре предприятие-ойошмаларға һәм шәхси эшҡыуарҙарға ғына күрһәтелә. Был хеҙмәттең атҡарылыуы иһә Рәсәй Президенты Владимир Путиндың “май” указдарына ярашлы барлыҡҡа килгән “Һаулыҡ һаҡлау” (национальный проект “Здравохранение”) бурыстарын тормошҡа ашырырға булышлыҡ итә. Әйткәндәй, быйыл сентябрҙә “Судҡа тиклем ялыу биреү” хеҙмәте аша 123 ялыу бирелгән, уларҙың 95-е ҡаралған да инде. Фото, сығанаҡ: pravitelstvorb.ru/news/22102/