Полилингвальной классын дышетскисьёс удмуртъёслэн историяя но культурая центренызы тодматскизы

24-тӥ октябре Башкортостанысь удмуртъёслэн историяя но культурая центразы пичи куноос вуылӥзы.Та нуналэ отын Татышлы ёросысь Выль Татышлы школаысь полилингвальной классын дышетскисьёсты пумитазы. Пумиськон удмурт кылын ортчиз. Нылпиос историяя но культурая центрлэн уженыз тодматскизы, чебересь киужъёсын адӟытонэз учкизы, анай кылынызы мадиськонъёслы валэктонъёс сётӥзы. Нош собере соос ваньзы ӵошен историяя но шаертодонъя музее вамыштӥзы. Нырысетӥ классын дышетскисьёс татчы люкам экспонатъёсты паймыса, тунсыкъяськыса учкизы.