Республикала Йөрәккә яуаплы мөнәсәбәт аҙналығы дауам итә. Бер ҡасан да ял итергә мөмкинлеге булмаған йөрәкте нисек һаҡларға? Иң ябай кәңәштәр һеҙҙең ҡарамаҡҡа. 1.Туҡланыуға иғтибар итегеҙ Рациондағы етеҙ углеводтарҙы, тоҙҙо, ҡамыр аштарын, татлы һәм ҡыҙҙырылған аҙыҡтарҙы сикләгеҙ. Фаст-фуд кеүек аҙыҡтар бауырға һәм ҡан тамырҙарына кире йоғонто яһай һәм ваҡыт үтеү менән йөрәккә көс төшә башлай. Ғәҙәттәге менюға дингеҙ һәм йылға балыҡтарын, сәтләүек, иген бөртөктәре һәм орлоҡтар ҡушылған икмәк, еләк-емеш һәм йәшелсә индерегеҙ.Туҡланыуҙа сама булырға тейеш. Физик культура менән даими шөғөлләнегеҙ Йөрәк һәм ҡан тамырҙары сирҙәрен иҫкәртеү өсөн физик көсөргәнеш талап ителә, ғөмүмән, һәр мускулға күнекмәләр кәрәк.Көн дә зарядка эшләгеҙ, аҡрынлап көсөргәнеште арттырығыҙ.Балансты һаҡлау мөһим, самаһыҙ, арып-талғансы шөғөлләнеү зарар ғына килтереүе ихтимал. Көндәлек күнекмәләр йөрәккә көсөргәнеште арттырыусы артыҡ ауырлыҡтан ҡотолорға ярҙам итер. Йоҡоғоҙ туйғансы йоҡлағыҙ Йоҡо туймауҙың сәләмәтлеккә етди зарар килтереүе, гипертония йәки йөрәк өйәнәгенә алып килеүе ихтимал. Бер үк ваҡытта йоҡларға ятырға һәм торорға ғәҙәтләнегеҙ. Зарарлы ғәҙәттәрҙән арынығыҙ Алкоголле эсемлектәр һәм тәмәке тартыу йөрәк-ҡан тамырҙары сирҙәре хәүефен арттыра. Стрестарға идара итергә өйрәнегеҙ Көндәлек тормошта стрестарҙан ҡасып ҡотолоп булмай, әммә уларға идара итергә мөмкин. Ярҙамға медитация, тын алыу күнегеүҙәре, йога һәм башҡа ысулдар ярҙамға килә. Диспансерлаштырыу үтегеҙ Ваҡытында диспансерлаштырыу һәм иҫкәртеү сараларын үтеү сирҙәрҙе иртә стадияла асыҡларға мөмкинлек бирә. Күптәр үҙҙәренең ҡан баҫымы тураһында бер ни ҙә белмәй. Ҡырҡ йәште уҙғандар һәм гипертониянан яфаланғандар даими рәүештә ҡан баҫымын үлсәргә һәм көндәлек алып барырға тейеш. Нормалағы ҡан баҫымы 140/90 сигенән артмаҫҡа тейеш. Йылына бер тапҡыр булһа ла глюкоза һәм холестерин кимәлен тикшерегеҙ. Сикке күрһәткестәр глюкоза өсөн – 6,1 ммоль/л, холестерин өсөн – 5,0 ммоль/л. Сәләмәтлеккә яуаплы мөнәсәбәт сирҙәрҙең тәүге билдәләрен үткәреп ебәрмәҫкә һәм йөрәгегеҙгә һәйбәт эшләргә ярҙам итер. Фото: Һаулыҡ һаҡлау министрлығы