Әлшәй районы хакимиәте башлығы Дамир Мостафин социаль селтәрҙә Раевка ауылында йәшәгән һоҡланғыс пар – Зөбәржәт һәм Солтангәрәй Кирәевтар тураһында яҙма менән уртаҡлашты. Белеүебеҙсә, был матур пар - билдәле яҡташыбыҙ, спортсы, алып барыусы Ләйсән Үтәшеваның ҡәҙерле өләсәһе һәм олатаһы. “Солтангәрәй Әҙелгәрәй улы менән Зөбәржәт Сәғәрйәр ҡыҙы бергә 65 йылға торошло тормош юлы үтеп, бер-береһенә булған мөхәббәтте, хөрмәтте һәм тоғролоҡто раҫланы. Улар тимер туйҙарын йәшәү дәрте, көр кәйеф менән ҡаршылай”, - тип яҙҙы район хакимиәте башлығы. “Беҙ икебеҙ ҙә Аҡҡолай ауылында йәшәнек, бала саҡтан дуҫ булдыҡ, бергә уҡыныҡ. Мин әрме хеҙмәтендә булғанда, Зөбәржәткә кейәүгә сығырға тәҡдим яһаусылар күп булған – ул ныҡ матур ине. Әммә ул мине көтөп алды. Әйткәндәй, ул районда сауҙа өлкәһе буйынса берҙән-бер юғары белемгә эйә ҡатын-ҡыҙ булды, Мәскәү сауҙа институтын тамамланы”, - ти ғаилә башлығы. Кирәевтәр сәләмәт тормош алып бара. Оло йәштә булыуына ҡарамаҫтан, Солтангәрәй Әҙелгәрәй улы көн һа