Башҡортостан Хөкүмәте Премьер-министры Андрей Назаров социаль селтәрҙәрҙәге сәхифәһендә Өфөлә төҙөлгән вуз-ара кампус тураһында яңы яҙма менән уртаҡлашты. “2025 йылға тиклем төҙөп бөтөргә планлаштырылған вуз-ара кампус төбәк иҡтисады үҫешенә йоғонто яһаясаҡ. Һәм мотлаҡ ыңғай йоғонто яһаясаҡ. Ни өсөн икәнен аңлатып үтәм. Беҙ кампусты бер локаль объект итеп кенә түгел, ә айырым бер биләмәне, ҡаланы, республиканы, әгәр киңерәк алғанда, уның иҡтисадының тармаҡтарын үҫтереү өсөн стратегик проект булараҡ ҡарайбыҙ. Киләсәктә халыҡты университеттарҙың тормошона, студенттарҙы ҡала тормошона йәлеп итеп, кампусты бөтә Башҡортостан Республикаһына танытырға ниәтләйбеҙ. Был контекста белем биреү проекттары ла, фән һәм спорт мөхите лә, сәнәғәт һәм технопарктар ҙа үҙҙәрен күрһәтә аласаҡ. Бөгөн ике мөһим аҙым яһаныҡ. Беренсеһе – Силәбеләге коллегалар менән традицион бәйләнештәрҙе тергеҙәбеҙ. Осрашыуҙарҙы даими һәм юғары кимәлдә ойошторабыҙ. Иң яҡшы тәжрибәләр һәм компетенциялар менән уртаҡлашасаҡбыҙ. Төп маҡсат бер һәм аңлайышлы – төбәктәребеҙҙе үҫтереү. Икенсе аҙым – донъя кимәлендәге ғилми-белем биреү үҙәктәре сиктәрендә төҙөгән кампустарыбыҙ. Быйыл беҙ беренсе сиратты, ә 2024 йылдың беренсе кварталы аҙағында Силәбеләге коллегалар тапшырасаҡ. Беҙҙең концепция – тәүҙә лабораториялар һәм уҡыу аудиториялары, һуңынан студенттар һәм уҡытыусылар өсөн ҡунаҡханалар булдырыу. Күршеләр икенсе юлдан китте – улар ҡунаҡханаларҙан башланы, киләһе этапта уҡыу аудиториялары. Сағыштырабыҙ, кемдең ниндәй бурыстары, минус-плюстары булыуын аңлайбыҙ. Силәбеләр өсөн традицион йүнәлештәр өҫтөнлөктә, беҙ IТ-секторға, генетикаға, биомедицинаға һәм экологияға баҫым яһайбыҙ. Һәр хәлдә, киләсәктә кампустар араһында бәйләнештәр булдырыу, юғары уҡыу йорттары араһында аралашыу ойоштороу мөһим. Был йәһәттән үҙ-ара килешеп эш итербеҙ. Бигерәк тә һәр кампустың һәм ғилми-белем биреү үҙәгенең индустриаль партнерҙары - ҙур компаниялар. Фән бөгөн иҡтисадта, яңы продукция етештереүҙә быны ҡулланыу мөмкинлеге булһын өсөн эшләргә тейеш тә инде. Яңы яҡшы хеҙмәттәшлеккә нигеҙ һалынған, тип иҫәпләйбеҙ”, - тип яҙҙы Андрей Назаров. Сығанаҡ: vk.com/agnazarov