Республика Урман хужалығы министрлығының федераль дәүләт урман һәм янғын күҙәтеүенең район-ара территориаль бүлектәре инспекторҙары урман хужалыҡтары хеҙмәткәрҙәре менән берлектә урмандарҙа санитар һәм янғын хәүефһеҙлеген тәьмин итеү буйынса айлыҡ үткәрҙе. Саралар урмандарҙың санитар торошон яҡшыртыу һәм уларҙа янғын хәүефһеҙлеген кәметеү өсөн ойошторолдо. Был эш "Экология" милли проектының "Урмандарҙы һаҡлау" төбәк проектын ғәмәлгә ашырыу маҡсатында үткәрелә. Дөйөм майҙаны 1155 гектар тәшкил иткән 823 урман бүлеме, шул иҫәптән дөйөм майҙаны 535 гектар тәшкил иткән ҡуртымға алынған 100 урман бүлеме тикшерелгән. 231 хоҡуҡ боҙоу, шул иҫәптән 24 янғын хәүефһеҙлеге ҡағиҙәләрен һәм 44 санитар хәүефһеҙлек ҡағиҙәләрен боҙоу асыҡланған. Тикшереү материалдарын эшкәртеү һөҙөмтәләре буйынса, ғәйепле урман файҙаланыусыларға урман бүлемтеләрен таҙартыу талабы менән 222 дәғүә, 3,4 миллион һумға килешеү менән ҡаралған урманды таҙартыу эштәрен башҡармаған өсөн 254 неустойка ебәрелгән. Федераль дәүләт урман контроле сиктәрендә (күҙәтеү) контроль (күҙәтеү) сараларын уҙғарыуға сикләүҙәрҙе һәм ғәйепле кешеләргә административ хоҡуҡ тәртибен боҙоуҙар тураһында эш ҡуҙғатыуға сикләүҙәр булыуын иҫәпкә алып, мотлаҡ талаптарҙы боҙоуға юл ҡуймау тураһында 106 иҫкәртеү иғлан ителде. Билдәле булыуынса, "Экология" (национальный проект “Экология") милли проекты Рәсәй Президенты Владимир Путиндың май указы менән булдырылды. Фото: Урман хужалығы министрлығы.