“Сәнғәт һәм ижади индустрия” тармағында кластерҙар булдырыласаҡ

“Башинформ” мәғлүмәт агентлығы махсус булдырған майҙанда, урта һөнәри белем биреү кластерҙарын үҫтереү маҡсатында, “Сәнғәт һәм ижади индустрия” тармағы буйынса партнерлыҡ тураһында килешеүҙәр төҙөлдө. Килешеүҙәргә, Башҡортостан Республикаһының Мәғариф һәм фән министрлығы, Өфө художество-сәнәғәт колледжы, “Ағиҙел” башҡорт художество кәсептәре дәүләт унитар предприятиеһы араһында һәм шулай уҡ Мәғариф һәм фән министрлығы, Өфө дәүләт технология һәм дизайн колледжы, Башҡорт дәүләт опера һәм балет театры араһында ҡул ҡуйылды. “Профессионалитет” федераль проекты 2030 йылға тиклем Рәсәй Федерацияһының социаль-иҡтисади үҫеш инициативаларының береһе булып тора һәм урта һөнәри белем системаһын популярлаштырыуҙы йылдам алып бара. Бөгөн мәктәпте тамамлаған балаларҙың 70 проценты урта һөнәри белем биреү йорттарын һайлай. Федераль проектты тормошҡа ашырыуҙың төп принцибы булып партнер предприятиеларҙың маҡсатлы заказы буйынса белгестәр әҙерләү, белем биреү программаларын тергеҙеү һәм уҡытыусыларҙың квалификация кимәлен күтәреү тора. Белем биреү кластерын барлыҡҡа килтереү өсөн бер гранттың күләме 70 млн һум булһа, өс кластер төҙөү өсөн 210 миллион күләмендә федераль субсидия йәлеп ителгән. “Профессионалитет” проекты сиктәрендә, урта һөнәри белем биреү усаҡтары тулыһынса яңыртылырға тейеш, ә колледж базаһында төҙөләсәк үҙәк биналар, бренд буйынса, берҙәм Концепцияға ярашлы итеп ойоштороласаҡ. Әйтергә кәрәк, Рәсәй Президенты Владимир Путин, илдәге бөтә халыҡтарҙың мәҙәни үҙенсәлеген һаҡлап ҡалырға һәм быны белем биреү проекттары аша алға ебәрергә кәрәк икәнде һәр саҡ алдынғы урынға ҡуйҙы. Фото: “Башинформ”дан