Поликлиника холдарында урынлаштырылған инфоматтар арҡаһында республика халҡына табипҡа яҙылыу еңелләште. Был “Һаулыҡ һаҡлау” милли проекты (национальный проект «Здравоохранение») сиктәрендә эшләнгән. Был хаҡта Башҡортостан Һаулыҡ һаҡлау министрлығының матбуғат хеҙмәте хәбәр итте. «Һаулыҡ Һаҡлау» милли проектының «Һаулыҡ һаҡлау өлкәһендә берҙәм дәүләт мәғлүмәт системаһы нигеҙендә һаулыҡ һаҡлауҙа берҙәм цифрлы конур булдырыу» федераль проектын тормошҡа ашырыу сиктәрендә республика поликлиникаларында 381 инфомат ҡуйылған. Был пациенттың табипҡа яҙылыу ысулы. - Быйыл ғинуарҙан майға тиклем республика халҡы табипҡа 215 590 тапҡыр яҙылыу ысулына мөрәжәғәт итте, - тип хәбәр иттеләр Башҡортостан Һаулыҡ һаҡлау министрлығының матбуғат хеҙмәтенән. Инфомат – тышҡы яҡтан түләү терминалын хәтерләткән мәғлүмәт киоскы. Интернетҡа сығыу мөмкинлеге булмаған кешеләр өсөн табипҡа электрон яҙылыу өсөн бик уңайлы. Пациент теләһә ниндәй уңайлы ваҡытта электрон операциялар ярҙамында кәрәкле белгескә яҙыла ала. Мәғлүмәт шунда уҡ тейешле табипҡа һәм регистратураға килә. Инфомат аша яҙыу уңайлығы шунда: табипҡа яҙылыу өсөн сират юҡ һәм иртә таңдан колл-үҙәк аша яҙылыу мотлаҡ түгел. Был ресурстың икенсе өҫтөнлөгө шунда: пациент талон ала ғына түгел, ә үҙенә яраҡлы ҡабул итеү ваҡытын һайлай, шулай уҡ, теләһә, билдәле бер белгесте һайлай. Һаулыҡ һаҡлау министрлығының матбуғат хеҙмәтендә билдәләүҙәренсә, инфомат медицина теркәүселәренең йөкләмәһен һиҙелерлек кәметә һәм уларға поликлиникаға килгән пациенттарға күберәк ваҡыт бүлергә мөмкинлек бирә. Фото: anrotech.ru