Кисә иртән Нефтекама ҡалаһында йәшәгән кешеләр ҡурҡыныс табышҡа юлыға. Урманда ойошторолған “Сәләмәтлек һуҡмағында”, баскетбол майҙансығы артында бер ир ҡатын кешенең үле кәүҙәһен тапҡан. Асыҡланыуынса, ул бер нисә ай элек юғалып, эҙләүгә иғлан ителгән кеше булып сыҡҡан. 56 йәшлек был ҡатын 25 ғинуарҙа уҡ юғалған. Хәбәр итеүеленсә, ул хәтерен юғалтыу менән йонсоған һәм йөрәге менән проблемалары булған. Яҡынса мәғлүмәттәр буйынса, уның үлемендә криминал эҙе юҡ. Моғайын, йөрәк сире сәбәпле үлгәндер, тип һығамта яһағандар. Суд-медицина экспертизаһы үткәргәс, аныҡ сәбәп әйтеләсәк. Башҡортостан буйынса Тәфтиш комитетының Нефтекама бүлексәһе белгестәре урынды ҡараған һәм тикшереү билдәләгән. Фото: "Башинформ".